X

Right Click

No right click

Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

klupi44426.07.2013  Клупите се дефицитарна урбана опрема и во кругот на Општа болница во Кочани.

Потребата од нив е видлива на секоја агол, но досега немало реакција за нејзино решавање. Граѓаните, но и вработените во болницата очекувале дека, иако наизглед маргинално, прашањето ќе добие соодветен третман. Сепак, веќе подолг период за него нема решение, па реакцијата стигна и до Советот на Општината.

- Во кругот на Општа болница нема поставено ниту една клупа. Луѓето кои од амбулантите се упaтени да одат на одделенијата нема каде да приседнат, посебно сега во летниот период. Таму се движат стари луѓе, изнемоштени, сакаат некаде да приседнат да одморат, меѓутоа нема ниту една клупа во кругот, рече Слаѓана Донева, член на Советот на Општина Кочани.

Повеќе...

Parking26.07.2013 Бесплатниот паркинг во центарот на градот ќе биде привилегија за граѓаните до одлуката на Советот, кој треба да даде зелено светло на изборот на временски ограничени простори за паркирање и цената. Советниците на последната седница, како што е познато, со мнозинство гласови ја одложија планираната расправа.

Градоначалникот Димитровски рече дека студијатабила ставена на увид пред пошироката јавност, откако исто така беше потребно подолго време за да ја добие конечната верзија.

-Значи се работи за проект кој го опфаќа паркирањето на 500 паркинг места во градот. Комплетниот елаборат беше на широка јавна расправа. Очекуваме дека одложената точка на дневен ред во Советот во најскоро време ќе биде ставена на разгледување, а откако тој ќе ја донесе одлуката ќе преминеме на наплата на паркирањето во Општина Кочани-изјави Димитровски.

Повеќе...

fax26.07.2013 На Правниот факултет во Кочани при универзитетот „Гоце Делчев“ минатата студиска 20012/13 година се образувале 556 студенти. Во професионалната определба-правник доминира машкиот пол со бројка од 348 наспроти, 208 студентки.

Во прва година студии минатата академска година се запишале 212 студенти.

Кочани како академска дестинација освен на Правен, чие седиште е во Кочани и следната година ќе запишува студенти на дисперзираните насоки од Економски и Технолошки од штипскиот универзитет, но и на едната дисперзирана насока „конфекциско инженерство“ од Технолошко-металуршкиот факултет од скопскиот универзитет „св. Кирил и Методиј“.

На ниво на држава во академската 2012/2013 година се запишани вкупно 56.906 студенти.

Повеќе...

grozdanov126.07.2013  Граѓаните љубители на рекреативното движење в сабота, 27 јули ќе имаат можност покрај своето омилено хоби, да присуствуваат на културен настан чиј организатор  е токму кочанското Здружение нза рекреативно движење – ГАРД.

Се работи за промоција на најново книжевно дело со наслов “Мите, сцена, живот“ посветена на живата легенда на македонското глумиште, актерот Мите Грозданов. Книгата има монографски карактер и во неа низ 13 поглавја и многу фотографии е претставен животниот и творечкиот пат на актерот, со над четири и пол децении кариера.

Промоцијата ќе се одржи на локалитетот “Кај дабот“, во близина нај манасстирот “Св. Илија“ кај село Бели. Од ГАРД ги информираат граѓаните, посебно оние кои се љубители на рекреативното движење, декадо местото на промоцијата можат да стигнат и со организирано пешачење, што ќе се изведе во две групи.

Повеќе...

osogovo44126.07.2013  Дали на повидок е решавање на состојбите околу натамошната судбина на “Осогово“, носечкиот столб на фудбалот во Кочани?

Закажаното вонредно годишно собрание што треба да се одржи в понделник навестува таква разврска на случајот што започна пред околу два месеци.

Годишното собрание во просториите на градскиот стадион е добра шанса да се закопаат воените секири, и двете раскарани групи да седнат на заедничка маса. Со тоа, испочитуван ќе го испочитуваат и рокот што им беше даден за да го разрешат спорот за тоа кој го има легитимното право да го носи името на клубот.

Повеќе...

treska-125.07.2013 57-годишната пациентка од Кочани, која беше примена на Инфективната клиника со западно-нилска треска закрепнува и е во добра здравствена состојба. Нема нови заболени на, ниту пак пациенти со сомневање за оваа тропска болест.

Болеста на кочанката не е увезена, бидејќи таа не била надвор од земјата. Матичниот лекар ја испратил за Скопје поради продолжена покачена температура и силна главоболка кои не се смирувале 10 дена и покрај антибиотската терапија.

Ова е трета година како оваа тропска болест се појавува во земјава. А оваа година по Грција, од балканските земји Македонија е втора земја со случаи на западно-нилска треска.

Повеќе...

tP-225.07.2013 Пунктот за бесплатни прегледи со мерење крвен притисок е поставен кај летната сцена на Центарот за култура „Бели мугри“. За превентивата и контролата на здравјето ќе биде задолжен тим од Здравствен дом - Кочани.

Таму граѓаните ќе можат да се информираат и како да се заштитат од топлотниот бран, преку флаери што ќе ги дели медицинскиот персонал.

Пунктот ќе биде достапен секој работен ден во периодот од 18.00 до 21.00 часот.

Во деновите што претстојат препораките од лекарите се да се избегнува подолг престој на отворено во периодот од 11.00 до 16.00 часот.

Повеќе...

UreduvanjeKejnaReka125.07.2013 Работници и градежна механизација на гостиварската фирма “Имако“ се ангажирани на реконструкција на тротоарот на улицата “Маршал Тито“ од мостот кај Градскиот парк до Шопинг центарот.

На потегот со должина од околу 350 метри се отстранува раскопаниот асфалт и теренот се подготвува за поставување бехатон плочки. Со тоа, според одговорните во Општината, треба да се добие урбано уредена целина, што освен естетски, ќе добие и функционални подобрувања.

Освен поплочувањето на тротоарот, покрај тревните површини ќе бидат поставени т.н. градинарски рабници, а на сите места каде што има пешачки премини ќе се изработат специјални премини, односно инвалидски рампи, со што ќе се олесни движењето на повозрасните граѓани или лицата со телесен инвалидитет.

Повеќе...

vodicka25.07.2013 Пукнати цевки од кои се слева вода по улиците деновиве се честа слика на повеќе улици во градот. Водата непрекинато тече неколку денови, но и по неколку седмици. Но, на ниту една од нив состојбата не е алармантна. Водоснабдувањето се одвива без никакви проблеми, а крајните корисници не се соочуваат со прекини.

-Вака е две недели. Вода имаме постојано периодов. Ова е прва година како пука цевка на улицата, претходно немавме таква појава -вели жител на улицата „1 Мај“.

Во „Водовод“ велат дека се запознати со проблемот. Оттаму информираат дека истиот се јавил поради зголемувањето на потрошувачка во летниот период.

Повеќе...

AptekaOblesevo125.07.2013   Се уште трае четиригодишната мака на жителите на Облешево при обезбедувањето на основните лекарства. Толкав период помина откако беше затворена единствената аптека во селото.

И покрај повеќето обиди на локалната власт да бидат ставени во функција просториите што стојат заклучени во близина на амбулантата, не се постигнаа позитивни резултати.

Министерството за здравство распиша јавен тендер за концесионер на аптеката, но огласот пропадна затоа што имало само една понуда што била некомплетна. На почетокот од јули беше објавен повторен оглас и сега се очекува по истекувањетто на законскиот рок, на почетокот од идниот месец да се знае кој ќе го преземе работењето со аптеката. Од Локалната самоуправа потврдуваат дека има неколку заинтересирани концесионери.

Повеќе...

Осветување на манастирот “Св. Климент Охридски“ - Осоговски Планини

-10°C

Кочани

Ведро
Влажност на воздухот: 93%
Ветер: North при 0 kmh
Сабота1°C/7°C
Недела2°C/7°C
Понеделник2°C/7°C
Вторник3°C/7°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 86 гости и нема членови


web counter



qr code
X

Right Click

No right click