X

Right Click

No right click

Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

osogovo44126.07.2013  Дали на повидок е решавање на состојбите околу натамошната судбина на “Осогово“, носечкиот столб на фудбалот во Кочани?

Закажаното вонредно годишно собрание што треба да се одржи в понделник навестува таква разврска на случајот што започна пред околу два месеци.

Годишното собрание во просториите на градскиот стадион е добра шанса да се закопаат воените секири, и двете раскарани групи да седнат на заедничка маса. Со тоа, испочитуван ќе го испочитуваат и рокот што им беше даден за да го разрешат спорот за тоа кој го има легитимното право да го носи името на клубот.

Повеќе...

treska-125.07.2013 57-годишната пациентка од Кочани, која беше примена на Инфективната клиника со западно-нилска треска закрепнува и е во добра здравствена состојба. Нема нови заболени на, ниту пак пациенти со сомневање за оваа тропска болест.

Болеста на кочанката не е увезена, бидејќи таа не била надвор од земјата. Матичниот лекар ја испратил за Скопје поради продолжена покачена температура и силна главоболка кои не се смирувале 10 дена и покрај антибиотската терапија.

Ова е трета година како оваа тропска болест се појавува во земјава. А оваа година по Грција, од балканските земји Македонија е втора земја со случаи на западно-нилска треска.

Повеќе...

tP-225.07.2013 Пунктот за бесплатни прегледи со мерење крвен притисок е поставен кај летната сцена на Центарот за култура „Бели мугри“. За превентивата и контролата на здравјето ќе биде задолжен тим од Здравствен дом - Кочани.

Таму граѓаните ќе можат да се информираат и како да се заштитат од топлотниот бран, преку флаери што ќе ги дели медицинскиот персонал.

Пунктот ќе биде достапен секој работен ден во периодот од 18.00 до 21.00 часот.

Во деновите што претстојат препораките од лекарите се да се избегнува подолг престој на отворено во периодот од 11.00 до 16.00 часот.

Повеќе...

UreduvanjeKejnaReka125.07.2013 Работници и градежна механизација на гостиварската фирма “Имако“ се ангажирани на реконструкција на тротоарот на улицата “Маршал Тито“ од мостот кај Градскиот парк до Шопинг центарот.

На потегот со должина од околу 350 метри се отстранува раскопаниот асфалт и теренот се подготвува за поставување бехатон плочки. Со тоа, според одговорните во Општината, треба да се добие урбано уредена целина, што освен естетски, ќе добие и функционални подобрувања.

Освен поплочувањето на тротоарот, покрај тревните површини ќе бидат поставени т.н. градинарски рабници, а на сите места каде што има пешачки премини ќе се изработат специјални премини, односно инвалидски рампи, со што ќе се олесни движењето на повозрасните граѓани или лицата со телесен инвалидитет.

Повеќе...

vodicka25.07.2013 Пукнати цевки од кои се слева вода по улиците деновиве се честа слика на повеќе улици во градот. Водата непрекинато тече неколку денови, но и по неколку седмици. Но, на ниту една од нив состојбата не е алармантна. Водоснабдувањето се одвива без никакви проблеми, а крајните корисници не се соочуваат со прекини.

-Вака е две недели. Вода имаме постојано периодов. Ова е прва година како пука цевка на улицата, претходно немавме таква појава -вели жител на улицата „1 Мај“.

Во „Водовод“ велат дека се запознати со проблемот. Оттаму информираат дека истиот се јавил поради зголемувањето на потрошувачка во летниот период.

Повеќе...

AptekaOblesevo125.07.2013   Се уште трае четиригодишната мака на жителите на Облешево при обезбедувањето на основните лекарства. Толкав период помина откако беше затворена единствената аптека во селото.

И покрај повеќето обиди на локалната власт да бидат ставени во функција просториите што стојат заклучени во близина на амбулантата, не се постигнаа позитивни резултати.

Министерството за здравство распиша јавен тендер за концесионер на аптеката, но огласот пропадна затоа што имало само една понуда што била некомплетна. На почетокот од јули беше објавен повторен оглас и сега се очекува по истекувањетто на законскиот рок, на почетокот од идниот месец да се знае кој ќе го преземе работењето со аптеката. Од Локалната самоуправа потврдуваат дека има неколку заинтересирани концесионери.

Повеќе...

pretstava1125.07.2013  Театарската група на центарот за култура “Бели мугри“ во средата вечерта ја одигра детската претстава “Во потрага по волшебното бисерче“. Со тоа започна првата етапа од годинашниот Топол културен бран во Кочани, што се реализира во последната недела од овој месец.

Претставата чиј режисер е Кристина Атанасова Арсова, изобилува со интересни костими и сценографски решенија. Тоа, заедно со одличната игра на десетината млади актери, го привлече вниманието на најмладата публика.

Содржините од манифестацијата продолжуваат со проекција на ревија филмови за деца во продукција на Кинотеката на Македонија и Гете институтот. Ревијата започнува со цртаниот филм Златокосоа, а в петок и сабота, со почеток од 19 часот гледачите ќе можат да ги видат и детските филмски хитови “Мачорот во чизми“ и “Трнорушка“.

Повеќе...

borenje625.07.2013  Трета година по ред Оризари беше домаќин на турнирот во борење за борачи од 12 до 16-годишна возраст. 

На спортскиот терен во основното училиште “Крсте Мисирков“ својот талент и знаење во боречките вештини го покажаа младите борачи од повеќе клубови во државата, кои ги продолжуваат традициите на овој спорт со долга историја кај нас.

Секцијата на борачкиот клуб “Спартак“ што во 2011-та започна да функционира во населбата, заедно со тренерот Зоран Митев се организатори на турнирот, што од година во година добива поголема масовност.

Повеќе...

osogovo2425.07.2013  Општината нема да даде пари на ниту едно од двете здруженија кои водат меѓусебна кавга околу легитимноста на правото да го преземат името на ФК “Осогово“.

Ставот на градоначалникот Ратко Димитровски е дека тие треба меѓусебно да ја расчистат дилемата, што сами ја отворија, па дури тогаш да бараат поддршка од Локалната самоуправа. Според него, Општината презела доволно напори за да ја смири состојбата. 

- Имавме интензивни  разговори и преговори и нашиот став е мошне дециден. Имавме официјални дописи и до двете здруженија и до ОФС да се произнесат кој е тој што ќе ги продолжи традициите на ФК “Осогово“ и кој е тој што ќе се зафати, односно ќе покаже дека може да ја продолжи традицијата на клубот.

Повеќе...

ISI25.07.2013  Екипата на Соколарци  го продолжува учеството на фудбалскиот турнир, на Илинденските спортски игри во Чешиново.

Пласманот во полуфиналето е обезбеден со заслужената победа над екипата на Карбинци. Во регуларниот  дел, вториот четвртфинале натпревар заврши со нерешен резултат од 1:1, па според пропозициите  победникот се доби по изведување пенали.

Поголема среќа имаа соколарчани, остварувајќи минимална разлика од 5:4. Инаку во поголемиот дел од средбата тие беа понадмоќни во играта и уште во средината на првото полувреме поведоа со резултат 1:0. Така се отиде и на пауза, по која концентрацијата како да попушти и и дозволија на штипската екипа да го изедначи резултататот. До крајот на средбата тој остана непроменет, па вториот полуфиналист се доби со изведувањето удари од 11 метри.

Повеќе...

Осветување на манастирот “Св. Климент Охридски“ - Осоговски Планини

Кочани

Влажност на воздухот:
Ветер: при
/
/
/
/
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 71 гости и нема членови


web counter



qr code
X

Right Click

No right click