Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

sv.naum ohridski03.07.2013 Закрилник на селото Чифлик е Светиот Наум Охридски Чудотворец. Желбата на мештаните беше да се изгради црква посветена на овој светец. Храмот е изграден, во најголем дел , со средства од месното население и донации од поединци и работни организации. Камен темелникот на оваа црква беше поставен во 2004 година и за само 4 години во 2008 година црквата беше осветена . Чинот на осветување на го изврши Архиепископот Охридски и Македонски г. г. Стефан, со Митрополитите Дебарско – Кичевски г. Тимотеј и Брегалнички г. Иларион во присуство на многуилјаден народ. Црквата во поголем дел е фрескоживописана.

-Црквата почна да се гради на иницијатива на луѓето од селото затоа што одевме по други цркви за крштевање за венчање. Сега тоа се прави во оваа црква. Ги има сите услови за такво нешто, рече Илија Нисов, член на црковен одбор.

Повеќе...

Zetva-202.07.2013  Се собира родот од последните ниви засеани со јачмен во Кочанско. Очекувањата на земјоделците за богат род само половично се исполнети.

Се жалат дека лошите временски услови во периодот на жетвата, кога за само десетина дена на двапати имаше врнежи од град, им нанеле големи штети.

- Голем проблем, тоа да ти кажам е 60-70% изронето, не остана ништо. Нема да ожнееме ништо, дали ќе има по 200 килограми, а некаде нема ни по 50 килограми од декар. Тоа е лом, се гледа на дело... Трканското и подлошкото поле кај Долни Подлог е најоштетено. Имам пченица таму, 60% се е по земјата полегнато, зрната се изронети како да е сеано, повеќе од сеаното е, рекоа земјоделци од Тркање.

Повеќе...

Grobista-Orizari-202.07.2013  Недостигот од простор е причината поради која месната заедница од Оризари достави барање до Советот на Општина Кочани за затворање на централните, т.н. стари гробишта во населбата.

Подолг период овде не се вршат погреби на нови парцели, туку само повремено за таа цел се користат постојните гробни места.

Гробиштата се на мала површина од околу илјада метри квадратни и не ги обезбедуваат ниту основните просторни и санитарни  услови. Освен тоа, со растот на селото во непосредна близина се изградени и куќите од месноста Устран дол.

Повеќе...

manovi02.07.2013 Четиричленото семејство Манови од Кочани живее во гаража, без минимални услови за хигиена и за нормален живот. Невработени се и Софка и нејзиниот сопруг Раиф.

Добиваат посебен додаток со кој ги прехрануваат и им купуваат лекови на своите две глувонеми деца, 13-годишната Дениса и 10-годишниот Дејвид. Здравјето им е нарушено на сите членови од семејството.

-На отворено сме дваипол месеци. Досега седевме во една куќа под кирија , но луѓето се вратија да си живеат во неа и од тогаш сме надвор. Нема тука никакви услови за живот. Снаа ми ми помага за јадење, нема каде да се бањаме, ниту да седеме, ниту да готвиме и да переме. Синот треба да се оперира од трет крајник, но како да се оперира кога седи тука на промаја.

Повеќе...

Nagradi-Opstina-102.07.2013  Шест предлози се пристигнати по огласот што го објави Локалната самоуправа за доделување на наградата на Општината за значајни остварувања. Ги доставиле здруженија на граѓани и поединци кои оцениле дека нивниот предлог заслужува да ја добие највисоката општинска награда.

Од друга страна, до Одборот за доделување награди на Општина Кочани не пристигнал ниту еден предлог за признанието за животно дело.

Повикот се однесуваше на поединци, групи творци, екипи, установи, трговски друштва и граѓански здруженија кои постигнале забележителни резултати во изминатиот едногодишен период.

Повеќе...

mandolinski-orkestar-302.07.2013 Манифестацијата „Петровденски Конаци 2013“ започна со претставување на Мандолинскиот оркестар при Младински Културен Центар Скопје . Пред насобраната публика концертот се одржа на летната сцена на ЦК „Бели Мугри“. Влезот беше слободен. За вториот ден и третиот ден на програмата е македонскиот игран филм „Трето полувреме“ што ќе биде изведен во 20.45. Влезот е со симболична цена од 100 денари. Понатаму на 4 јули ќе следува „Концертот на староградски песни“ чиј влез ќе биде слободен , а концертот ќе се одржи на летната сцена при ЦК „Бели Мугри“. На 6 јули според програмата на летната сцена е предвиден „Фолклорен концерт’. На 8 јули „Балканска поетска средба“ на манастирот „Св. Илија“ во село Бели. Влезот и тука е сободен. За 9 јули е закажан „ Ликовен перформанс“ кој е предвидено да се реализира покрај кејот на кочанска река. За 11 јули се планира „Концерт на духовна музика“.

Повеќе...

Letuvanje02.07.2013 Првата група составена од 25 деца од Кочани кои ја искористија бесплатната услуга за одмор и рекреација задоволни се вратија од седумдневниот престој во Пелистер. Во текот на вчерашниот ден замина втората група составена од 40 деца.

-Првата група на деца за одмор и рекреација кои беа во Пелистер Битола се вратија вчера, кога и замина втората група во „Мајски Цвет“ Струга составена од 40 деца. Сите деца се вратија задоволни и со поклони , фармерки, балетанки, патики, колекции. Времето им било рационално искористено во прошетки и забави , истакна Весна Даневска, директор на Центар за социјални работи Кочани.

Станува збор за деца од семејства од социјален ризик и корисници на посебен додаток за 2013 година. Владата им овозможува седумдневен бесплатен летен одмор.

Повеќе...

ISI-102.07.2013 12 екипи, за две помалку во однос на минатите години, ќе настапат на годинешните традиционални Илинденски спортски игри во Чешиново.

Игрите почнуваат на 4 јули во 17.00 часот. Првиот натпревар ќе го одиграат екипите на Карбинци и Спанчево. Екипите учеснички се распределени во 4 групи:

Група А: Грдовци,Соколарци, Тркање;
Група Б: Чешиново, Облешево, Балван;
Група В: Карбинци, Таринци, Спанчево;
Група Г: Зрновци,Чифлик,Чардаклија.

Повеќе...

Grobni Mesta101.07.2013  Солидарниот фонд за погребните трошоци, што комуналното претпријатие “Водовод“ го воведе пред десетина години, престанува да функционира. Наместо тоа, граѓаните ќе мораат одеднаш, еднократно, да го платат надоместокот за гробно место за покојните.

Ова значи дека престануваат да важат договорите што биле склучувани меѓу претпријатието и граѓаните, со што им се овозможуваше со минимален месечен надоместок предвреме да ги платат трошоците за погребните услуги.

Парите што досега биле уплатувани во солидарниот фонд ќе бидат вратени на трансакционата сметка на носителите на гробно место, во моментот кога за тоа ќе се јави потреба.

Повеќе...

dimitrij01.07.2013  Осуммина  сведоци беа сослушани на второто рочиште од судскиот претрес во случајот со десетгодишниот Димитриј Ампов од Кочани, кој пред околу две години почина кај детската градинка во населбата Усова чешма.

За трагичниот настан Јавното обвинителство поведе кривична постапка против фирмите ЕВН – Македонија и ДООЕЛ “Филаделфија“ од Кочани, како и нивните одговорни лица.

Обвинителството по службена должност ги товари сите дека се одговорни за смртта на малолетниот Ампов, кој играјќи си во дворот на градинката беше пронајден мртов на шилците од металната ограда.

Повеќе...

Осветување на манастирот “Св. Климент Охридски“ - Осоговски Планини

10°C

Кочани

Ведро
Влажност на воздухот: 76%
Ветер: North при 0 kmh
Четврток9°C/26°C
Петок8°C/26°C
Сабота7°C/24°C
Недела7°C/21°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 107 гости и нема членови


web counter



qr code