Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

kocani panorama07.06.2018  Општина Кочани подготвила пет проекти со кои аплицира за добивање пари од Програмата за Прекугранична соработка со соседна Бугарија.

Вкупната сума што се бара со проектите изнесува околу два милиони евра, од кои половина се за нашата општина, а остатокот е за бугарската страна.

За два проекти, за кои се конкурира преку Центарот за развој на Источниот плански регион, носител е Локалната самоуправа и тие се однесуваат на комунално и инфраструктурно уредување на централното градско подрачје.

Повеќе...

promocija najcitan roman201707.06.2018  Во просториите на Библиотеката „Искра“ беше промовиран романот на годината, „Одбројување“ од Фросина Пармаковска. Ова е нејзин трет роман.

-Во трите романи инспирацијата ми е самиот лик. Значи го одбирам ликот и пишувам за него и ми доаѓа инспирација и мотив за пишување, рече Фросина Пармаковска, автор на романот.

За роман на годината Пармаковска конкурирала и со нејзиниот втор роман кој што влегол во финале, но ете третиот „Одбројување“ бил избран за роман на годината, за што вели дека е голема радост бидејќи со тоа делото добива популарност кај читателската публика, а тоа најмногу му значи на секој писател.

Повеќе...

upisi sredno201807.06.2018  Голем избор на профили во 3 струки, практична настава во склоп на училиштето и избор помеѓу две, три и четири годишно образование и годинава нуди СОУ „Гошо Викентиев“ за упис на ученици во средно образование.

И годинава ова училиште има место за 442 ученици распоредени во 12 паралелки.

-Имаме три струки електротехничка, машинска и сообраќајна. Од електротехничката струка во четиригодишното образование се профилите Електротехничар за компјутерска техника и автоматика електротехничар за електроника и телекомуникации и Електротехничар енергетичар.

Повеќе...

most zrnovci zbogar06.06.2018  ЕУ амбасадорот Самуел Жбогар и претставничката на УНДП, Луиза Винтон присуствуваа на повторното пуштање во употреба на реконстриураниот мост на реката Брегалница во општина Зрновци.

На средбата со градоначалникот на Зрновци, Блаже Станков тие беа информирани дека 86-метарскиот мост, што беше сериозно оштетен во поплавите од пред три години, сега е целосно реконструиран. Притоа, 800 илјади евра беа обезбедeни преку Програмата на ЕУ за санирање на штетите од поплавите што ја имплементираше УНДП.

- Мостовите се многу важни за инфраструктурата, многу важни затоа што ги поврзуваат луѓето, децата, обезбедуваат пристап до училиште, до работа, до медицинска помош, така што мостовите навистина ги поврзуваат луѓето.

Повеќе...

orizarski kup logo06.06.2018  На фудбалскиот терен покрај реката Масалница кај Оризари в сабота и недела ќе се одржи третиот фудбалски турнир за деца од 9 до 13-годишна возраст, а на кој ќе учествуваат над 1.000 дечиња во 5 различни категории.

Носител и организатор на турнирот е фудбалската академија “Младост Тошев“ од Оризари чија цел е развој и унапредување на спортот меѓу најмладите, како и јакнење на дружењето и пријателството. Според најавите од организаторот, учесници на третиот “Оризарски куп“ ќе бидат вкупно 48 екипи од Македонија, Србија и Бугарија.

Со оглед на бројноста на екипите и фудбалерите, “Оризарски куп“ прераснува во најголем фудбалски турнир во Македонија за младинските категории, а тенденција е да се вброи и меѓу најголемите на Балканот.

Повеќе...

patronat omu201806.06.2018  Заврши уште една учебна година со исклучително добри резултати на кои се горди наставниците на ОМУ „Ристо Јуруков“, кои што заедно со учениците го одбележаа патрониот празник на училиштето.

Од образовен аспект, училиштето годинава од интегралната евалуација доби висока оценка. Паралено со реализирањето на образовно - воспитните цели е и реализацијата на концертната дејност.

И годинава има 30-тина ученици кои што се вратија со награди од државни и меѓународни натпревари што е гордост не само за училиштето туку и за општината, рече пред присутните директорката на училиштето Елизабета Ѓорѓиева, која што посебно го издвои настапот на талентираниот ученик Иван Милосов кој што настапи со оркестарот на Македонската Филхармонија, а тоа е настан што се случува за прв пат во историјата на постоењето на училиштето и на кого му беше врачена диплома за истакнат ученик во оваа учебна година.

Повеќе...

ivan milosov filharmonija05.06.2018  10-годишниот Иван Милосов, учени кво ОМУ „Ристо Јуруков“ деновиве имаше соло настап на виолина заедно со оркестарот на Македонската филхармонија во Скопје.

Во рамки на редовната програма на Филхармонијата, под назив „Младите доаѓаат“, тој свиреше рамо до рамо со далеку постарите и поискусни музичари, што е големо признание и за него и за неговите наставници. Истовремено е и признание и за нашата образовна институција, со оглед што во нејзиниот историјат не се случило ученик на таа возраст да настапува на толку високо ниво.

- Јас на 10 години имав деби и учествував како солист на Македонската филхармонија во Скопје. Го свирев концертот од Аколаи, прв став, рече Иван Милосов, ученик во ОМУ „Ристо Јуруков“.

Повеќе...

ivana aleksova05.06.2018  Две терапии во Белград веќе и помогнале. Потребно е да направи уште две за да и се олесни движењето на 7 годишната Ивана Алексова од Кочани која што боледува од церебрална парализа и чии родители немаат финансиски средства да го платат лекувањето.

Една терапија чини 1.500 евра. Родителите ги молат сите хумани граѓани да помогнат доколку се во можност.

-Нашата ќерка боледува од церебрална парализа. Бевме на терапија во Белград и после направените две терапии можам да кажам дека и е подорбо. Сега треба да се направи уште две, но потребни ни се 1.500 евра за една, значи 3.00 евра за двете терапии, но ние ги немаме. Лекарите во Белград рекоа дека же може и да оди после направените терапии. Затоа ги молам сите хумани граѓани ако се во можност да помогнат да ги собереме средствата, рече Димитар Алексов, татко на Ивана Алексова.

Повеќе...

fa kocani zenska grupa05.06.2018  Успешни настапи на фолклористите од ФА „Кочани“ на Фестивалот на розата во Казанлак, Бугарија. Со големи впечатоци и нови пријателства се вратија од 4 дневниот престој во бугарскиот град.

Станува збор за фестивал со долга традиција на кој настапуваат фолклорни друштва од цел свет.

-Таму го празнуват денот на розата затоа што тоа е главна гранка на занимање на општината бидејќи од тоа прават вино, ракија, парфеми. ФА „Кочани“ имаше четири настапи од кои три со стилизирани кореографии „Женско чамче“, „Тресеница“ и „Лазаренки“. „Женско чамче“ е стилизирана кореографија која потекнува од селото Смилево.

Повеќе...

nagradi DAF 201804.06.2018  Претставата “Меѓу нас е тивко“ во изведба на Младинската сцена на Интимен театар од Битола ја доби наградата „Васил Ќортошев“ како најдобра на 55. Драмски аматерски фестивал (ДАФ) што во саботата заврши во Кочани.

Жири комисијата што ја сочинуваа актерите Горан Стојановски и Наталија Теодосиева, како и драматургот Билјана Крајчевска одлуката ја образложија со квалитетната колективна игра и вештото извршување на задачите во комплицираната естетика.

- Секогаш овде имало квалитет, затоа што сите ние кои пред многу години сме доаѓале тука сме зачнале една убава идеја за овој фестивал. Овој фестивал негува нешто, што за жал е многу изгубено, тоа е ентузијазам, љубов кон театарот, се она што денес почнува да се институционализира, а тоа е самиот човек.

Повеќе...

Осветување на манастирот “Св. Климент Охридски“ - Осоговски Планини

19°C

Кочани

Ведро
Влажност на воздухот: 88%
Ветер: SSE при 4 kmh
Среда17°C/28°C
Четврток16°C/26°C
Петок16°C/29°C
Сабота17°C/32°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 133 гости и нема членови


web counter



qr code