Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

planinari olimp27.06.2017  ПСД “Осогово“ реализираше уште една меѓународна планинарска акција како дел од годишната програма на активности за оваа година.

Кочанските планинари успешно се искачија на четирите највисоки врвови на плнанината Олимп во соседна Грција, при што го освоија врвот Митикас на 2918 м, Сколио 2912 м, Стефани 2909 м и Скјала 2880 м надморска височина.

Клубот учествуваше со десетина планинари, од кои дел се поискусни и добро подготвени за таквиот предизвик, но и помлади планинари кои ги стекнуваат искуствата во планинарењето.

Повеќе...

moskito markiranje28.06.2017  Како дел од годишниот план за активности, Клубот за планинарски спортови “Москито“ од Кочани го реализираше најавуваното маркирање на планинарските патеки до двата највисоки врва на Осоговските Планини.

Обновувањето на ознаките што им овозможуваат полесно снаоѓање на планинарите и на рекреативците кои се движат во природа, го изведоа тројца членови на клубот. Притоа, маркирањето се реализираше на релацијата од селото Саса до врвот Руен, како и од истото село до Царев Врв.

Вкупната должина на патеките што беа обележани изнесува над 20 километри. Во активноста беа искористени дел од постојните карактеристични карпи и ознаки што се користат како маркирни точки, а на неколку места беа поставени и дрвени столбови со соодветни планинарски ознаки.

Повеќе...

filter otpadni vodi kucicino27.06.2017  При крај се градежните работи на објектот за прочистување на отпадните води во близина на селото Кучичино.

Тоа беше повод во Општина Чешиново-Облешево да се одржи дводневна работна средба на која беше претставен начинот на функционирање и продобивките од оваа инвестиција, која има големо еколошко значење за регионот.

Беше речено дека се работи за современ систем за отстранување на отпадните материи од канализациската вода, а за што во проектот се користат технологијата и искуствата на фирмите “Лимнос“ од Словенија и “Еко ина“ од Хрватска.

Повеќе...

jufkijada podlog27.06.2017  Околу 50 жени од сите краеви на Македонија денеска во Горни Подлог сукаа јуфки како дел од хуманитарната манифестација „Јуфкијада“ што по шести пат се организира на ниво на држава.

„Јуфкијадата“ е во организација на Федерацијата на фармери на Република Македонија, а со поддршка на земјоделката задруга „Агроподлог“ и Месната заедница од Горни Подлог. Истата се одржа во дворот на манастирот „Свети Јован Крстител“ во Горни Подлог.

- По шести пат ја организираме оваа манифестација која има за цел да ги вклучи жените од руралните средини од сите краеви на Македонија.

Повеќе...

paketi ramazan bajram27.06.2017  Под мотото „Љубов секому, омраза никому“, џамаатот на Ахмадија заедницата во Македонија и годинава се приклучи во прославата на големиот муслимански празник Рамазан Бајрам, при што обебзеди пакети со храна за семејствата од социјално ранливите категории.

Членови на заедницата, во соработка со хумантираната организација “Humanity first“обезбедија и поделија околу 450 пакети за граѓаните во Кочани, Виница, Берово, Пехчево и селото Црник.

Ахмадија џамаатот, односно заедницата во Македонија активно работи веќе 20-тина година и ги опфаќа муслиманските верници на кои им помага во секоја прилика, како што беше повод и еден од двата верски празници.

Повеќе...

deponija1223.06.2017  Двајца познаници пронашле необичен и по малку бизарен начин да дојдат до заработувачка, обидувајќи се со препродажба на исфрлени продукти на депонија да остварат добивка. Сепак нивната намера била откриена и се очекува соодветна законска санкција.

Според извештајот на Секторот за внатрешни работи, надворешнатАа канцеларија криминални работи од Виница поднесе кривична пријава против 41-годишниот З.А. од виничкото селото Јакимово и против 50-годишниот М.К. од селото Ангелци, Општина Василево.

Полицијата кај нив нашла основи на сомнение за сторено кривично дело „производство и пуштање  во промет штетни прехрамбени и други продукти“.

Повеќе...

osogovo trening stadion23.06.2017  Разрешена е главната дилема дали, откако си обезбеди влегување во Втората лига, ФК “Осогово“ ќе успее да ги покрие почетните трошоци и обврските кон ФФМ.

До почетокот на идната недела на сметката на клубот ќе ја има потребната сума од околу 600 илјади денари, односно 500 илјади наменети за котизацијата на сениорската екипа и преостанатите 100 илјади за младинските екипи.

Од Управата на клубот потврдија дека на состанок што се одржал во Локалната самоуправа со првиот човек на Општината било договорено да се обезбедат дополнителни финансиски средства, покрај веќе ветените 250 илјади денари, а за кои одлука донесе и Советот.

Повеќе...

stefanovski brosura22.06.2017  Македонското еколошко друштво приреди необично изненадување со објавувањето печатена брошура со колекција прекрасни фотографии на кои како мотив преовладува природата и убавините на повеќе локации на Осоговските Планини.

Автор на брошурата е Сашко Стефановски од Кочани, професор по географија и актуелен советник во Советот на  Општината.

Во печатеното издание поместени се 50-тина одлично вкомпонирани и одбрани фотографии од големата збирка со која располага авторот. Брошурата всушност е награда за неговиот труд на објавениот конкурс за најдобра фотографија од Осоговскиот зелен појас, што според активистите од Македонското еколошко друштво, заслужува да биде претставен пред пошироката јавност.

Повеќе...

Осветување на манастирот “Св. Климент Охридски“ - Осоговски Планини

20°C

Кочани

Ведро
Влажност на воздухот: 78%
Ветер: North при 0 kmh
Петок17°C/33°C
Сабота18°C/35°C
Недела16°C/34°C
Понеделник14°C/26°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 79 гости и нема членови



web counter




qr code