Вести
Секој ден во 18,00 и 22,00 часот објективно и навремено Ве информираме за најважните настани во Кочани и регионот.
На денешен ден
На денешен ден е кратко потсетување на настаните што се случиле пред многу години и столетија. Се емитува секој работен ден пред информативната емисија Вести, а во викендите пред емисијата Магазин.
Естрада плус
Естрада плус е забавно-музичка емисија посветена на случувањата на македонската, балканската, па и светската естрада. Се реализира во соработка со телевизијата ИНТВ од Австралија. Емисијата се емитува од понеделник до петок во 17,30 ч., а репризно во 21,30 ч.
Православна ризница
Православна ризница е емисија посветена на информирањето и едуцирањето на верниците за животот според принципите и духот на православното црковно устројство. Емисијата се емитува премиерно секој понеделник во 20.30 часот, а репризно во вторник од 18.40 и сабота од 13.40 ч.

promocija pankot e mrtov01.06.2018  Во рамките на придружните настани од 55. Драмски аматерски фестивал, кочанската публика имаше несекојдневна можност да ја проследи промоцијата на книгата „Панкот е мртов“ (Punk is Dead) од словенечкиот автор Томаж Космач.

Самиот автор објасни зошто токму овој наслов го избрал на книгата „Панкот е мртов“.

- Многумина велат дека панкот е се уште жив и дека многу бендови го свират на концерти, но морам да кажам дека е мртов. Јас знам многу стари панкери со своите семејства како бараат оброк за да прежиеват и се нервираат цело време и искажуваат пцовки на целиот свет а од друга страна се бунтуваат за панкот, затоа велам дека панкот е мртов, истакна Томаж Космач, автор на книгата.

Повеќе...

ucenici mos01.06.2018  Голем успех забележаа средношколците од Кочани кои учествуваа на финалниот натпревар од проектот за унапредување на дигиталната писменост во Македонија, познат како Microsoft Office Specialist.

Тие освоија најмногу поени од сите учесници, а победник стана Јорданчо Ефтимов, ученик во трета година во СОУ “Гошо Викентиев“.

На натпреварот кој започна кон крајот на декември 2017, се пријавија повеќе од 1000 млади, а Ефтимов освои максимален број поени. Со тоа ја освои првата награда и се стекна со право да патува на Светскиот натпревар во Орландо, на Флорида во САД, каде ќе ја претставува Македонија како најдобар Microsoft Office Specialist.

Повеќе...

komarci avionsko prskanje01.06.2018  Со авионското прсакње во раните утрински часови реализиран е дел од првата фаза од борбата против комарците. Третманот се спроведе на површина од 3.400 хектари во Кочанско и околу 1.200 хектари во виничкиот регион, а двете општини заедно вложија над 2 милиони денари.

Освен во населените места од низинскиот дел, со прскањето беа опфатени и оризовите површини кои се природни легла на комарците.

Во акцијата се користеше еколошки инсектицид Ауродил – Супер ПБ чиј хемиски состав нема штетно влијание врз луѓето и топлокрвните животински видови, а е одобрен од Бирото за лекови.

Повеќе...

press vmro101.06.2018  Протестниот собир на 2. јуни особено е важен сега кога постои најсилна опасност молчењето да се сфати како одобрување, односно како давање согласност со постоечката ситуација.

Нема човек во општина Кочани, освен оние кои се стекнаа со државни функции и високи позиции, кои се согласуваат со нула проценти на економски раст во Македонија. Нема граѓанин кој се согласува со економската катастрофа во режија на оваа влада, беше речено на организираниот прес на ОК ВМРО - ДПМНЕ Кочани.

Повеќе...

kravi101.06.2018  Од Подрачната единица на Министерството за земјоделство во Кочани ги информираат млекопроизводителите дека од 1 јуни започна рокот за пријавување за субвенции за предадено кравјо, овчо и козјо млеко во преработувачките капацитети за првите четири месеци од оваа година.

- Можат да поднесат сите оние кои имаат предадено млеко за првите четири месеци од 2018 година. Барателите е потребно со себе да ги донесат откупните белешки од преработувачките капацитети каде што го имаат предадено млекото. Да напоменеме дека субвенцијата по основ на предадено кравјо млеко е 3,5 денари и 4 денари за предадено овчо и козјо млеко , рече Горанчо Миладиновски, раководител на ПЕ на МЗШВ Кочани.

Повеќе...

placevi bejrut131.05.2018  Ниту последната продажба на државно градежно земјиште во Кочани не помина со забележителен успех. Само 3 градежни парцели од понудените 12 добија нови сопственици по завршувањето на 30-тата јавната аукција на државно градежно земјиште.

Од парцелите за изградба на објекти за индивидуално домување отуѓени се две на улицата „Ѓорче Петров“, а се со површини од 419 и 423 метри квадратни.

Третата отуѓена градежна парцела е со намена за изградба на стопански комплекс за откуп, примарна и финална обработка на земјоделски производи, што се наоѓа во месноста Ќерамидница и е со површина од 9.847 метри квадратни.

Повеќе...

regionalen pat bigla vinica31.05.2018  Почна реконструкцијата на регионалниот пат од селото Бигла до Виница. Во моментов се работи на подготовка на коловозот за асфалтирање, а планирано е да се асфалтираат 2,4 километри до селото од делчевска страна, по што работите ќе продолжат на уште 4,6 км од виничка страна.

Градежните работи за овој патен правец се влезени во Програмата на ЈП за државни патишта, а согласно со проектот предвидена е изградба на коловоз со ширина од 5 метри, банкини од двете страни на коловозот, како и изградба на одводни канали.

Градоначалникот на Општина Делчево, Горан Трајковски и градоначалникот на Општина Виница, Ивица Димитров, направија увид во текот на работите при што истакнаа дека со заедничко залагање на двете општини се решава децениски проблем на жителите од регионот.

Повеќе...

sou goso vikentiev31.05.2018  Професори, ученици и одговорните од педагошко - психолошката служба од СОУ „Гошо Викентиев“ пред учениците од основните училишта од скоро сите општини од Истокот ги презентираа струките и профилите кои се на располагање на идните среднишколци.

Преку презентација на електро, машинската и сообраќајната струка, тие при посетата забележаа голем интерес кај полуматурантите за упис во ова училиште.

-Нашите ученици кои завршија во овие основни училишта заедно со професорите вршат презентација на струките и профилите што ги нудиме во училиштето. При презентацијата забележуваме дека има голема заинтересираност за упис на една од струките и профилите во нашето училиште, а некои веќе се изјаснија околу изборот, рече Јасминка Крстова, психолог во СОУ „Гошо Викентиев“.

Повеќе...

javno obvinitelstvo31.05.2018  Основното јавно обвинителство - Кочани излезе со официјално известување во врска со настанот што се случи на 16 aприл годинава на Интерното одделение при ЈЗУ Општа болница со проширена надлежност, кога во лекарската соба при определување на терапија на болни, беше нападната докторката Верица Јакимова.

Информацијата од Основното јавно обвинителство - Кочани е дека против лицето В. Т. е донесена наредба за спроведување истрага за настанот што се случил и по спроведување на истата ќе биде донесена обвинителска одлука.

Инаку, како што информираше Канал 8, дежурната докторка на интерното одделение во Општа болница – Кочани беше нападната на работното место при што се здоби со телесни повреди, а доживеа и психичка траума.

Повеќе...

daf tret den31.05.2018  Според програмата на годинешното 55. издание на ДАФ на третиот ден на сцената на ЦК „Бели Мугри“ беше прикажана претставата „Каде ми се другарите“, работена според „Парите се отепувачка“ од Ристо Крле, „Чест“ од Васил Иљоски и „Печалбари“ од Антон Панов во режија на Саша Нацевски, а во изведба на актерите од театарот од Прилеп.

Во вториот вечерен термин беше одиграна претставта „Адвокатот Патлен“ во режија на Слободанка Чичевска а во изведба на Младинското драмско студио „Прличко“ од Велес.

Во дневните термини на четвртиот фестивалски ден беше одиграна претставата „Среќниот принц“ во режија на Билјана Ѓоргиевска во изведба на наставниот кадар и учениците од ОУ „Страшо Пунџур“ од Јосифово.

Повеќе...

Осветување на манастирот “Св. Климент Охридски“ - Осоговски Планини

20°C

Кочани

Ведро
Влажност на воздухот: 83%
Ветер: Variable при 4 kmh
Среда17°C/28°C
Четврток16°C/26°C
Петок16°C/29°C
Сабота17°C/32°C
KWeather is powered by Kaleidoscoop
Најчитани статии во последните 30 дена
Најчитани статии по месеци
Најчитани статии по години


Имаме присутни 104 гости и нема членови


web counter



qr code