– Со доставените измени се предлага бришење на одредбите со кои што беа предложени измени во кои што беше предвидено задолжително присуство на адвокатите во оставинската постапка. Со тие измени кои што се применуваат од први јануари 2017 година се зголеми правната сигурност во оставинските постапки, а трошокот на странките остана истиот. Исто така, со новите предлог измени на законот за нотаријат се бришат и одредбите со кои што беше предвидено изработката на исправите да може нотарот освен заверката да врши составување на исправите и му се исплаќа и за услугата за заверка која што е основна дејност на нотарите, а сега се наплака и за составување на исправите, а претходно можеше да си ги изработи самата странка или од страна на адвокат. Исто така, со овие предлог измени се укинува одредбата во која што платните налози беа задолжителни да имаат адвокатски печат и потпис. Сега доколку овие промени поминат на Влада и се изгласат повторно се воведуваме во ситуација да го субвенционираме надриписарството. На овој начин се фаворизираат 300 нотари кои што делуваат и работат на територијата на РМ, за сметка на 3.000 адвокати кои што во моментов активно работат на територијата на РМ, истакна Давор Димитров, адвокат од Кочани.
Во работната група која што ги израбoти овие предлог-иницијативи за промени на законот за нотаријат, претставникот од Адвокатската комора на РМ и сите негови предлози кои што доаѓаат во име на адвокатската комора и на сите адвокати на територијата на Македонија се одбиени, а во целост се прифатени сите предлози на нотарската комора, рекоа адвокатите. Владата, истакнаа адвокатите, мора да има сериозен пристап кон реформите во правосудството, кои и не наликуваат на реформи, туку на исполнување на нечии желби за наштетување на адвокатската професија.
– На денешниот состанок сите адвокати членови на адвокатската заедница Кочани ја прифатија иницијативата околу реформите на сите прописи кои штетат на адвокатурата и бараат нејзино корегирање и ревидирање на сите прописи, во спротивно најавуваме генерален штрајк со што ќе се доведе во прашање функционирањето на правосудниот систем во РМ, додаде Димитров.
Адвокатите беа прецизни и рекоа дека штрајк би значело блокада н правосудните институции и дека нема да може да се преземе ниту една правна работа без адвокатите.
Т. Велкова
{fshare}
https://www.youtube.com/watch?v=T7AI7w8esMQ
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
