Тоа значи дека од денес натаму мораме да се определиме и да се бориме за својот капитал со сите можни средства и затоа треба да ја промениме политиката и Владата на Република Македонија да ја сфаќаме како партнер во тој процес, а не како наш противник, рече Бранко Азески, претседател на Стопанската комора на Македонија.
Според Азески, Стопанската комора во наредниот период ќе поведе суштински иницијативи за заштита на сопственичките права, односно заштита на договорите што претпријатијата ги имаат склучено со државата и подеднаков третман во однос на плаќањата. Притоа најави дека ќе нема толерирање кон тоа државата да си ги наплаќа своите побарувања, а да не му плаќа на стопанството.
Сепак, во партнерски однос со неа, се очекуваат мерки за поддршка на малите и средни претпријатија.
– Владата се определи да оди со посебен сет мерки за малите и средни претпријатија преку Фондот за иновации, каде ќе ги поттикне иновациите, а вие слушате дека таму донациите би биле некаде и до 70 отсто, за разлика од овие кои што влегуваат во првите два столба каде што повратот ќе биде до 10 посто или максимално до 30 посто. Јас не верувам, туку сум убеден дека ова е последниот начин да фатиме некаков чекор кој што ќе не одведе на вистинскиот пат, во корелација со подобрување на инфрастуктурата и со решавање на некои наши автентични проблеми, кои што немаат врска со пазарната економија, како на пример пописот, додаде Азески.
Вообичаено малите и средни претијатија во светски рамки учествуваат со околу 80 отрсто од вкупната еконмија, па и Македонија треба да се движи во таа насока. Сепак, треба да се почитува и актуелната структура на бруто домашниот производ, посебно во извозот, каде со 16,7% доминира металургијата и со 12 % текстилот.
Т. Ајтовски
{fshare}
https://www.youtube.com/watch?v=B_PArfwp45Y
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
