– Искусни експертки по родови прашања работат директно со општините на тоа да им помогнат да го воведат родот во процесите на донесување одлуки, па така ние со Општина Кочани усепавме да сензибилизираме еден дел од програмите за Општината, а најважно од се беше, што го сметам за голем успех, тоа што Општина Кочани ја потпиша Европската повелба за еднакви можности на мажите и жените, рече Кристина Хаџи-Василева, надворешен соработник на UN Women.
Според Хаџи-Василева во нашата држава е започнат поинтензивен процес за спроведување на родово одговорните политики, и кај дел од локалните самоуправи, меѓу кои и Општина Кочани се спроведува практика за поголема одгвоорност при носењето на Буџетот во однос на еднаквата застапеност на интересите и на мажите и на жените.
– Во Македонија веќе 20-тина општини спроведуваат родово одговорни политики, односно го воведуваат родово одговорното буџетирање во процесот на програмирње, односно изготвување на буџетот. Се разбира дека овој процес и на национално ниво веќе се одвива извесно време, со тоа што дел од министерствата исто така се вклучени во овој процес. Меѓутоа, остануваат уште предизвици во рамки на ова, особено што потребна е голема едукација за подигање на свесноста кај советниците и кај градоначалниците за значењето на овој процес и за тоа како тие практично да го применуваат, додава Хаџи-Василева.
Дел од активностите на проектот за промоција на родово одговорни поитики во Кочани е и одржувањето на вечерта на женски права. Во нејзини рамки е проекцијата на филмот „Ада за градоначалничка“, како и панел дискусијата на тема „Жената во политиката“.
T. Aјтовски
{fshare}
https://www.youtube.com/watch?v=Sg9fWrBVBEU
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
