Во општините Кочани, Виница, Зрновци и Чешиново-Облешево се пријавиле вкупно 275 лица кои ќе гласаат еден ден порано од регуларниот датум за изборите, односно во вторник.
Најголем број од пријавените се на територијата на општина Кочани – 172 лица, 61 лице се во Виница, 31 во Чешиново-Облешево и 11 граѓани во Зрновци.
-До истекот на терминот за пријавување, до нашата изборна комисија беа поднесени вкупно 62 пријави од болни и изнемоштени гласачи. При проверката на пријавите утврдивме дека едно лице не е запишано во избирачкиот список, иако имаше уредна документација, што значи дека нема да може да го оствари своето избирачко право, истакна Александар Костадинов, претседател на Општинската изборна комисија – Виница.
Во вторник на 23 април, во првиот круг од претседателските избори ќе гласаат граѓаните кои се болни и измнемоштени, лица со попреченост, како и лица кои се во затвор.
Во Кочани вкупно има 63 избирачки места, од кои четири се со помалку од десет гласачи, поради што тие ќе гласаат на други избрачки мести. Во општина Виница пак, гласачите се распоредени на 33 избирачки места. Жителите на општина Зрновци ќе гласат на четири гласачки места, од кои две се во Зрновци, а по едно во Видовиште и Мородвис. Лицата со право на глас во Чешиново-Облешево се распоредени во 13 избирачки места од кои по две се лоцирани во Чешиново и Жиганци и по едно во Облешево, Соколарци, Бурилчево, Кучичино, Теранци, Уларци, Чифлик, Бања и Спанчево.
Првиот круг од претседателските избори е закажан за в среда, 24 април, а граѓаните со право на глас, може да го остварат на соодветното гласачко место што ќе биде отворено во периодот од 7 до 19 часот.
Училиштата во кои има изборачки места ќе работат во вторник, а ќе бидат заклучени само просториите каде е сместен избирачкиот материјал.
За непречено спроведување на претседателските и парламентарните избори, закажани за 24 април и 8 мај, Владата донесе одлука овие два дена да бидат неработни и да не се одработуваат.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
