Кривична пријава од сообраќајната полиција заработи возач кој на експресниот пат Штип – Кочани возел со двојно поголема брзина од законски пропишаната.
Од МВР информираа дека вчера во 15:30 часот на експресниот пат, кај клучката кон селото Крупиште, полициски службеници од Полициската станица за безбедност на патниот сообраќај – Штип го лишиле од слобода 26-годишниот А.М. од Скопје, кој има живеалиште во Кочани.
При контрола на патниот сообраќај, со уред за мерење брзина – радар, надвор од населено место било измерено дека тој управувал патничко возило „фолксваген пасат“ со кочански регистарски ознаки со брзина од 151 километри на час на место каде што брзината е ограничена на 80 километри на час.
По целосно документирање на настанот, против него е поднесена пријава по член 297а од Кривичниот законик – „безобѕирно управување со моторно возило“.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
