Боречкиот клуб „Спартак“ беше домаќин на Државното првенство во борење за сениори, чиј организатор беше Боречката федерација на Македонија. Настапија петнаесетина екипи во машка и женска конкуренција.
Во екипна конкуренција кај мажите најуспешни беа борачите на БК „Вардар“ – Скопје кои го освоија првото место. На второто место се најде екипата на БК „Лирија“ – Скопје, третопласиран беше за БК „Бучим“ – Радовиш, додека на четвртото и петтото место се пласираа екипите на „Балканец“ – Штип и „Спартак“ – Кочани.
Во женска конкуренција екипно најуспешен беше БК „7-ми Мај“ од Прилеп, второпласирана беше екипата на „Балканец“, а и на третото место се најде „Вардар“.
Домашниот „Спартак“ настапи со 12 борачи кои освоија по едно прво и второ и три трети места. Спортистот на Кочани за 2023 година, Расул Шапиев во категоријата до 79 килограми се закити со златен медал. Зоран Митев, во категоријата до 57 килограми беше второпласиран, а Стефан Штерјов, Драган Глигоров и Дамјан Крстев освоија трети места во своите тежински категории.
Претседателот на Боречката федерација на Македонија, Дејан Богданов истакна дека БК „Спартак“ е добар домаќин на ваквите натпреварувања.
-Целиот тим на „Спартак“ на чело со претседателот Зоран Сребренов се добри пријатели на Боречката федерција и се трудат до максимум да го развијат борењето во Кочани, а оваа заедничка поддршка ќе продолжи и понатаму. До крајот на годината би сакале да организираме уште еден поголем натпревар во Кочани, истакна Богданов.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
