– Според доставени пријави за малигни заболувања пристигнати во Центарот за јавно здравје Кочани кој што ги покрива општините Кочани, Виница, Македонска Каменица, Берово, Пехчево и Делчево, за 2017 година имаме пријавени 1.205 заболени од кои новооткриени се 226 заболени или 18,8%. Доколку се погледне процентуално кај мажите и кај жените, кај жените најзастапен е карциномот на дојка, со тоа што имаме пријавени вкупно 326, а новооткриени со карцином на дојка во 2017 се 53 или 16,2% од вкупниот број на заболени. Кај мажите најзастапен е карциномот на простатата и тоа вкупно имаме пријавено 125 заболени, во 2017 новооткриени 28 или 22,4%. Бројот на новооткриени заболени од карцином расте. Споредбено со 2016 година вкупне број имало пријавени 982 од кои новооткриени биле 185 лица што значи дека во 2017 година овој број се зголемил на 223 лица на вкупниот број, а бројот на новооткриени се зголемил за 42 лице, односно бројот на новооткриени е зголемен за 18,2 проценти, рече Магдалена Манасиева, директор на Центарот за јавно здравје Кочани.
Лекарите велат дека најчести ризик фактори за заболување на карцином на дојка се наследниот фактор, генските промени, личната историја на пациентката, зрачењето во млада возраст, а во превенцијата од болеста ги насочуваат здравиот начин на живот и исхрана, самопрегледот на дојките и најважно редовните контролни прегледи кај специјалист.
Годинава, 5 февруари – Светскиот ден за борба против карциномот се одбележува со кампања насочена кон подобра информираност како и едукација за зголемена свесност за превенција од малигните заболувања. Праксата укажува дека добар дел од заболените своите први прегледи ги прават во поодмината фаза.
Т. Велкова
{fshare}
https://www.youtube.com/watch?v=zrZ-LsxFOhg&feature=youtu.be
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
