– Во моментот сме во фаза каде што 12 региони во државата се селектирани и годинава ќе започнат постапките. Ова се околу 17 илјади поединечни парцели или околу 5 илјади хектари каде што ќе се спроведува првично постапката на консолидација. Паралелно, во Собранието во прва фаза поминаа измените на Законот за консолидација кои што исто така се дел од овој проект и се потребни заради олеснување на сите процедури и постапки во наредниот период. Мене особено денес ме радува што тука, во Соколарци, Чифлик, во Чешиново и во Спанчево, во овие четири региони, интересот на земјоделците е навистина голем и тука очекуваме забрзани постапки во наредниот период и првични резултати кои што ќе доведат до окрупнување на земјоделското земјиште, до зголемена ефикасност, продуктивност и конкурентност во производството на земјоделските производи, односно доминантно на оризот кој што е од овој регион, рече Љупчо Николовски, министер за земјоделство.
На презентацијата на проектот за консолидација на земјоделското земјиште што се одржа во Спанчево, претставничката на делегацијата на ЕУ во Македонија рече дека поддршката и за овие и за останатите активностите е со цел да се подобрат условите за живот кај нас и да се подобри конкурентноста на земјоделските и другите производители.
– Вие знаете дека Европската Унија е силен партнер на Македонија, исто така сакаме да им помогнеме на фармерите на кои што им е потребна нашата помош и оттаму е важна вашата посветеност кон овој проблем. Особено ми е важно што нашата заедничка цел, како наша, така и ваша, е да можеме заеднички да успееме да ја подобриме продуктивноста на вашето производство за да можете, како финална цел, да можете рамноправно да се натпреварувате со другите производител ина заедничкиот европски пазар, рече Вирве Вимпари, претставничка од Делегацијата на Европската Унија.
На средбата со земјоделските производители и сопственици на земјиште во регионот што е опфатен со проектот, беа претставени придобивките од окрупнувањето на земјиштето, меѓу кои се помалите трошоци за производство, поефикасната примена на агротехничките мерки, заштедата на време за обработка на површините и прибирање на родот и слично.
T. Aјтовски
{fshare}
https://www.youtube.com/watch?v=4KW6X1jXIK4
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
