За Илинденските спортски игри во Чешиново се пријавени шест екипи. Тие се поделени во две групи, при што во првата се екипите од Соколарци, Теранци и Пантелеј, а во втората се Чешиново, Жиганци и Чифлик.
Свеченото отворање на игрите и почетокот на натпреварите е закажан за в недела од 17 часот. Турнирот ќе го отворат екипите на Соколарци и Пантелеј. Натпреварите по групи ќе се играат секој трет ден, а финалето ќе се игра на празникот Илинден, од 17 часот.
Турнирот во фудбал во рамки на Илинденските спортски игри годинава ќе се одржи по 51. пат, а за најдобрите екипи обезбедени се парични награди. Признанија ќе им бидат доделени и на најдобриот играч и најефикасниот стрелец на турнирот.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
