Градоначалникот на Општина Виница, Миле Петков е избран за нов претседател на Советот за развој на Источниот плански регион, откако ја доби поддршката од своите колегите од останатите 10 општини од регионот.
Изборот беше направен на 13. седница на Советот што денеска се одржа во Кочани, а на која се разгледуваа и други актуeлни прашања од регионот.
Петков доби едногодишен мандат, функцијата ќе ја извршува од 21 ноември, а доаѓа на местото на досегашниот претседател на Советот, Љупчо Папазов, градоначалник на Општина Кочани. Со законските измени од 2021 година, претседателите на советите за развој на планските региони имаат мандат од една година, без право на повторен избор.
На седницата Советот ги усвоиизмените нафинансискиот план на Центарот за развој на Источниот плански регион за 2023 година, а донесе и одлука за преотстапување на изградениот објект „Партерно уредување во склоп на објектот Дом на млади – Штип“. Исто така, беше усвоен и Правилникот за плати и надоместоци на вработените во Центарот за развој на Источниот плански регион.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
