Во салата на Мултикултурниот центар се реализираше музичко-фолклорен настан под наслов „Детска патувачка фолк библиотека“. Во рамки на програмата беа промовирани две фолк-сликовници „Слушам кај шумат шумите“ и „Јовано, Јованке“.
Настанот беше во организација на библиотеката „Искра“, во соработка со Основното музичко училиште „Ристо Јуруков“ и Центарот за зачувување на македонската фолк музика и фолклорно творештво „Фолконика“. Целта е што повеќе младите да научат да го негуваат и зачуваат македонското музичко-фолклорно наследство.
Претседателот на „Фолклоника“, Душко Георгиевски истакна дека преполната сална на МКЦ му причинува големо задоволство, а со тоа се докажува интерсот дека помладата популација ја негува традиционалнта македонска музика.
-Драго ми е што се во Кочани, со нашата фолк патувачка библиотека. Драго ми е што дечињата се дојдени во огромен број, тоа значи дека имаме огромен интерес за македонскиот фолклор и народната песна. Целта на овој натан и на другите вакви настани е да ја популаризираме фолк музиката помеѓу најмладите и уште од најмали нозе да да ја почитуваат и ценат македонската народна музика, истакна Душко Георгиевски, претседател на „Фолклоника“.
На интерактивниот настан со музички изведби се претставија учениците од музичкото училиште „Ристо Јуруков“, а учествуваа и ученици од основните училишта од Кочани и Оризари.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
