Доброволното противпожарно друштво – Кочани на деветти април во ресторанот „Амор“ ќе ја одржи втората Гала вечер. Целта на настанот е членовите на друштвото да ги запознаат граѓаните со нивните реализирани проекти во областа на пожарникарството, а ќе бидат презентирани и следните активности.
Претседателот на Друштвото, Златко Илијев и членот Александра Арсова упатија апел до сите граѓани и претставници на бизнис секторот да присуствуваат на настанот.
-На деветти април со почеток во 19 часот во хотелот „Амор“ ја органзираме втората по ред Гала вечер што ја организираме ние членовите на Доброволното противпожарно друштво од Кочани, а која ќе биде наменета за бизнис секторот, Локалната самоуправа и сите граѓани на Кочани. На оваа Гала вечер имаме предвидено да направиме една куса презентација за сето тоа што за овие изминати двеипол години, Доброволното противпожарно друштво го има остварено, а ќе презентираме и наши идни планови за кои ќе побараме поддршка од бизинис секторот, локалните чинители на град Кочани и сите досегашни наши подржувачи. Крајната цел ќе ни биде да собереме што повеќе средства за да оствариме една наша зацртана цел, а тоа е набавка на два четирицикла за кои сметаме дека ќе ни бидат од голема корист и ќе ги зголемат нашите капацитети на дејствување во справувањето и превенцијата со пожарите, истакна Златко Илијев, претседател на ДПД – Кочани.
-Картите за Гала вечерта веќе се пуштени во продажба и се по цена од 2.500 денари. Може да ги купите од сите наши членови или на самиот влез на настанот. Ќе ни биде чест и задоволство доколку бидете дел од нашиот настан, истакна Александра Арсова, членка на ДПД – Кочани.
Настанот ќе има и музички дел што ќе биде и од донаторски карактер.
Гала вечерта за прв пат беше организирана во 2022 година, а претседателот Илијев рече дека искуството од првиот реализиран настан е дека поминал во пријатна и позитивна атмосфера, за што најдобро сведочеле реакциите на гостите.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
