Здружението на пензионери – Кочани за идната грејна сезона обезбедува огревни дрва за своите членови. Досега се пријавиле околу 650 пензионери, а цената е 4.500 денари за кубен метар. Потребна документација што се доставува е чек од пензија, копија од лична карта, а се остава и телефонски број за контакт.
-Дрвата ќе се плаќаат на седум рати од по 3.500 денари, а осмата рата ќе изнесува 2.500 денари. Првата рата ќе почне да се плаќа од март, а договорот за пренос на дрва го потпишавме со „Макс транс“ од Пехчево. Повеќе од 13 години склучуваме договор со нив, бидејќи се придржуваат кон она што е договорено. Дрвата ќе се транспортираат навремено, односно тоа ќе зависи од временските услови. Ќе се носат по редослед, односно кај тие што минатата година биле последни транспортирани, годинава први ќе добијат огревни дрва, истакна Јелица Зафирова, претседателка на Здружението на пензионери – Кочани.
До крајот на месецов е отворен и повикот за учество во на натпреварите во повеќе спортски дисциплини за 2024 година.
-Здружението на пензионери – Кочани секоја година учествува во сите спортски дисциплини, во машка и женска категорија. Пријавувањето почна од 15 февруари, а ќе трае до 29 месецов. По одржаните спортски игри ќе се врши селекција, односно сите што ќе освојат први места ќе учествуваат на меѓуопштински, а потоа и на регионални натпреварувања што годинава ќе се одржат во Пехчево, додаде Зафирова.
Кочанското Здружение на пензионери има позитивни резултати од учеството во спортски натпревари во минатите години, односно има освоено поголем број медали и први места.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
