Доброволното противпожарно друштво од Кочани в сабота ќе го одбележи вториот роденден. Активностите ќе почнат со натпревари помеѓу сениорски екипи од доброволни друштва од државата но и надвор од неa, што ќе се одржат на четири локации во градот.
Официјалното отворање на настанот е закажано за во 17 часот во Паркот на Револуцијата.
-Во рамки на настанот ќе се одржат првите противпожарни доброволни игри, а итите се предвидени да се одржат на четири локации, со различни вежби и различна тематика. Во овој настан предвидовме и натпревар за најмалите, односно за децата од петто одделение од основните училишта од градот Кочани, Оризари, како и од oпштините Зрновци, Чешиново-Облешево. Со тоа сакаме да покажеме колку нашата работа е значајна и со што ние ce занимаваме. Самата програма ќе почне в сабота во 11 часот со натпреварот во сениорска категорија помеѓу доброволни друштва од држават, а ќе учествуваат и екипи од Хрватска и Србија. Предвидено е натпреварот да заврши околу 14 часот, а во меѓувреме во 12 часот ќе почне натпреварот за учениците од петто одделение, истакан Златко Илијев претседател на ДПД.
Во рамки на одбележувањето на роденденот на доброволните пожарникари, ќе настапат талентираните ученици од музичкото училиште „Ристо Јуруков“, а ќе се претстават и дечињата од детската градинка „Павлина Велјанова“.
Во завршниот дел предвиден е и настап на локални ансамбли, диџеи и музички групи.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
