Доброволното противпожарно друштво од Кочани организираше јавна трибина за превенција и заштита од пожари и од други елементарни непогоди, со вклучување на младите. Активноста е дел од проектот „Млади волонтери за сигурна средина за живеење“ што Друштвото ја реализира во рамки на Региоанпната програма за локална демократија во Западен Балкан – Reload2 што е финансирана од ЕУ.
На трибината, покрај лкенови на Доброволното противпожарно друштво, присуствуваа пожарникари од ТППЕ – Кочани, претставници од општините во микрорегионот во кои дејствуваат кочанските волонтери, од училиштата, Црвениот крст и од други јавни инсиртувии. Притоа беа отворени низа прашања околу начинот за подобрување на превенцијата и заштитата од пожарите и елементарните непогоди, како и за подигање на јавната свест, посебно меѓу младите во основните и средните училишта.
-Произлегоа заклучоци дека треба да се иницира формирање доброволни противпожарни друштва во помалите општини, Зрновци и Чешиново-Облешево, да се настојува во средните и основните училишта да бидеме поприсутни меѓу младите со обуку, како теоретски, така и практични, и со тоа да ги стимулираме да се вклучат во заштита и превенција од пожари. Имаше предлог и за формирање тимови, односно обуки за поголемите фирми. Знаеме дека тие, во тој поглед имаат одредени обуки за нивни вработени кои се задолжени за превенција и заштита од пожари. Сакаме дел од тие луѓе, кои веќе се обучени, да бидат и наши членови, а потоа да дообучуваат нинви колеги во фирмите. Во помалите фирми нема вакви тимови и затоа треба да допреме до нив и да им укажеме за потребата од нивно формирање, истакна Златко Илијев, претседател на ДПД – Кочани.
Во рамки на проектот што го реализира ДПД – Кочани, предвидено е во наредниот период на Пониква да се постават табли со превентивни пораки за зачувување и одговорно однесување кон природата и животната средина. Исто така, ќе се одржи и противпожарен натпревар меѓу ученици од двете средни училишта на кој ќе се проверат теоретските познавања и практичните вештини за дејствуавње. На крајот од проектот ќе се одржи завршен настан на кој ќе се сумираат постигнатите резултаи од него.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
