Нов успех постигнаа најмладите фудбалери од екипите на фудбалската школа „Фудбал старс“ од Кочани кои се натпреваруваат во Детската фудбалска лига – Источен регион. Со освоени едно прво и две втори места тие ќе го претставуваат регионот на завршниот турнир што претстојниот викенд ќе се игра во Скопје.
Во одлучувачкиот натпревар на регионалниот турнир во Македонска Каменица, генерацијата 2014 забележа убедлива победа од 4:1 против „Саса“, додека генерацијата 2015 беше поразена од беровски „Малеш“ со 3:1.
Претходно успех постигнаа и нивните постари клупски колеги од генерациите 2011 и 2013, кои исто така обезбедија пласман за завршниот турнир во Скопје.
Веќе се познати и противниците со кои нашите фудбалерчиња ќе ги одмерат силите во првото коло. Генерацијата 2011 на „Фудбал старс“ ќе се сретне со тимот на „Карев“ од Скопје, а екипата од генерацијата 2013 ќе игра против „Студеничани“. Најтежок противник веројатно ќе имаат фудбалерите од генерацијата 2014 кои за противник го добија тимот на „Форца“, додека генерацијата 2015 ќе игра против врсниците од „Шкендија“.
Од раководството на „Фудбал старс“ упатија честитки до дечињата кои што дадоа максимум на сите натпревари во текот на долгото првенство, како и благодарност до родителите за нивната поддршка и истрајност за остварување на досегашните успеси.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
