Жителите на улиците „Љупчо Сантов“ и „Вита Поп Јорданова“ денеска остварија средба со градоначалникот Љупчо Папазов и сообраќајната инспекторка Жаклина Пауновска Ангелковиќ.
На средбата жителите ги запознаа надлежните служби со нивните секојдневни проблеми. Тие бараат да се стави крај на брзото возење, да бидат поставени „легнати полицајци“, бараат и да се закрпат големите дупки што го попречуваат движењето на автомобилите или да се изнајде друго решение со кое би се ставило ред на овие улици.
-Mене ме интересира тука на улиците да имаме безбедност. Немаме каде да се движеме многу страшно се вози. Од вас бараме да биде санирана улицата, односно оштетувањата на асфалтот да бидат закрпени бидејќи ние ги оштетуваме автомобилите. Ние во името на жителите на улиците „Љупчо Сантов“ и „Вита Поп Јорданова“ бараме да се разгледаат проблемите и да се најде соодветно решение, истакана еден од жителите на улиците.
-Сакаме да имаме нормална улица, да имаме каде да се паркираат возилата, да има проодни тротоари ова се дел од нашите забелешки, кажа жител на улицата.
Сообраќајната инспекторка при Општина Кочани на средбата истакна дека ќе биде побарано да има поинтензивни контроли на двете улици. Меѓу другото кажа дека сопствениците на возилата кои ги имаат паркирано по улицата, а пречат во нормалното одвивање на сообраќајот, ќе бидат известени да ги остранат, а доколку е увидена потреба ќе има и асистенција од полицијата.
-Тоа што вие го барате легнатите полицајци тоа се смирувачи на сообраќајот, а за поставување на истите има правила и прописи. Ние неможеме да го менувамне законот, но можеме да бараме други алтернативни решенија. За да ставиме успорувачи на сообраќајот треба да има училиште или градинка. Треба да се води ред и за специјализираните возила, а тоа се возилата на итната помош, противпожарните возила и полициските возила кога имаат интервенции. На ваква угорница е проблем да се постават и тоа мора да го знаеме, истакна Жаклина Пауновска Ангелковиќ овластен испектор за патен сообраќај при Општина Кочани.
-Ќе ги закрпиме дупките, ќе го уредиме делот на режимот во сообраќајот, односно ќе направиме се и ќе го реализираме тоа. За безбедноста многу е важна соработката со полицијата и барањето за почести контроли, кажа градоначалникот Љупчо Папазов.
Средбата се реалзираше по барање на жителите на улиците , а целта е што побрзо решавање на настанатите проблеми.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
