Општина Зрновци ја заврши изградбата на новиот резервоар за вода за пиење со што дополнително ќе се обезбеди потребниот притисок за корисниците во општинскиот центар. Во тек е зонирањето за водоснабдување на домаќинствата на улицата “Маршал Тито”, на станбените згради кај месностите Хидроцентрала и Марена, како и во Босилеградско Маало.
Резервоарот е со капацитет од 60 кубни метри и ќе биде дел од постојната секундарна водоводна мрежа. Вредноста на целата инвестиција е над 2 милиона денари, а парите беа обезбедени од Бирото за регионален развој.
Со изградбата на новиот објект се проширува капацитетот на системот за водоснабдување и ќе се зголеми бројот на домаќинства кои користат вода од јавниот водовод. Освен тоа ќе се постигне и намалување на оптовареноста на примарната мрежа, а жителите имаат постојан притисок во водоводот.
Слична инвестиција имаше и пред неколку години кога беше инсталиран нов резервоар за вода со капацитет од 50 кубни метри, а со што се обезбеди подобро водоснабдување на домаќинствата од десната страна на реката Зрновка.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
