Здружението на слепи лица – Кочани во партнерство со Здружението за екологија и заштита на животната средина „Еко Тим Исток“ – Кочани го имплементираше проектот за подобрување на вештините на слепите и слабовидни лица во Кочани и нивно интегрирање во процесот на рециклирање на отпад, што се реализираше од септември минатата година до август годинава.
Активности беше во рамки на „Регионалната програма за локална демократија на Западен Балкан 2 – ReLOaD2“, ето е финансирана од Европската унија, а ја спроведува Програмата за развој на Обединетите нации (УНДП). Проектот е кофинансиран од Општина Кочани.
-Проектот со наслов „Подобрување на вештините на слепите и слабовидни лица во Кочани и нивно интегрирање во процесот на рециклирање на отпадот“ се реализираше од септември минатата година до август оваа година. Беа вклучени 15 слепи и слабовидни лица од кој 8 мажи и 7 жени на возраст од 20 до 50 години. Се стекнавме со работни вештини во делот на рециклирање на отпад. Исто така сакам да кажам ова да прерасне во идна пракса односно здружението да не остане на овој проект и посакувам да станеме дел од пазарот на трудот, истакна Тоше Илиев, член на Здружението на слепи лица од Кочани.
-Со спроведувањето на активностите во изминатите неколку месеци се постиганаа поскауваните резултати од проектот, а тоа се следниве: градење на работни вештини кај слепите и слабовидните лица во Кочани за изработка на ракотворби од отпадни материјали; подигнување на јавната свест на слепите и слабовидни лица за рециклирање на отпад и придобивките од рециклирање; подигнување на свеста на јавноста за потребата од инклузија и интеграција на лицата со попреченост во општеството, со акцент на конкурентност на пазарот на трудот, изјави Славица Димитрова, член на Здружение на слепи лица – Кочани.
Во рамки на проектот се спроведе обука за градење на работни вештини за изработка на ракотворби од отпадни материјали – од страна на ангажирани лица за спроведување на работилниците, преку реализирање на 12 работилници, во кои корисниците активно учествуваа и се стекнаа со вештини и знаења за изработка на ракотворби од рециклиран материјал.
Изработените ракотворби беа изложени на Велигденскиот базар, со што се покажа нивната способност дека можат да бидат конкурентни на пазарот на трудот и да имаат еднаков третман во општеството. Исто така беа изработени, дистрибуирани и печатени материјали од информативен карактер, наменети за подигање на свеста на пошироката јавност за лицата со попреченост и потребата од нивна застапеност и рамноправност на пазарот на трудот. Флаерите беа дистрибуирани до институциите, компаниите и пошироката јавност во Кочани.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
