– Оваа година нашиот проект беше наречен “Стара архитектура“, целта беше да направиме фотографии со лицата со посебни потреби од Дневниот центар во Виница. Фотографиравме на повеќе локации во неколку села во виничкиот регион, поточно во селата Блатец и Липец, како и во Виница. Денеска е завршниот дел, имаме направено поголем број фотографии што ги направија тие лица, изложбата е со продажен и хуманитарен карактер. Значи, сите оние што ќе купат, помагаат да се донираат овие средства за она што ќе им биде потребно во Дневниот центар, рече Јулијана Иванова, директор на музејот „Теракота“.
На иѕложбата „Стара архитектура“ беа претставени триесетина фотографии од стари градби во виничкиот регион. Освен тоа, децата со посебни потреби ги претставија и своите рачно изработени новогодишни честитки, сувенири и подароци.
Општина Виница активно е вклучена во грижата и подобрувањето на условите за лицата со посебни потреби, за што беше најавено дека поддршката ќе продолжи и во иднина.
-Пред недела дена потпишавме потпишавме проект со институцијата „Инклузива“, а веќе в петок почнуваме со првата работилница. Тоа е за полесен пристап на лицата со попреченост до јавните информации, до информациите на веб страниците што ги има нашата општина и до сите други информации, се со цел да можат побрзо и поефикасно да ги дознаат информациите, оние кои се случуваат во нашата општина, рече Ивица Димитров, градоначалник на Општина Виница.
На свеченоста по повод завршницата на проектот „Еднаквоста во фокусот“ со забавно-музички точки настапија учениците од ОУ „Гоце Делчев“. Исто така, се претстави и танцувачката група „Dancers United MK“ од Виница која на неодамнешниот меѓународен натпревар за танчери со посебни потреби во Полска го освои првото место.
Т. Ајтовски
{fshare}
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
