– Информацијата што беше пласирана во јавноста беше дека од страна на инспекциските служби е најдена генетско модифицирана храна и тоа дека таа храна е ориз кој што е прозиведен во Кочани и кочанско. Мислам дека инспекциските служби треба да продолжат и до крај да ја испитат ситуацијата дали е тоа така, бидејќи од нашето сознание тврдам дека сите сорти кои што се одгледуваат на територијата на Република Македонија а главен производствен регион е кочанскиот, односно сите сорти кои што се на листа во Р. Македонија дозволени за производство како и сортите на Европската листа кои што се внесуваат во нашата држава не се ГМО. Да појаснам, ГМО значи храна која што се добива од генетско модифицирани растенија. Овие сорти кои што се одгледуваат кај нас како што се италијанските, турските и македонските сите се создадени по класични методи за создавање на нови сорти, така што не треба да има паника меѓу земјоделците и консументите бидејќи самите самите земјделци знааат кој ориз и која сорта ја произведуваат, истакна проф. д-р Добре Андов, Земјоделски институт Скопје.
Ова што го пронашле инспекциските служби од Агенцијата за храна и ветеринарство е изолиран случај и според информацијата станува збор за околу 500 кг ориз и треба да се утврди од каде е истиот, вели д-р Андов.
-Треба да се утврди дали тој ориз е произведен кај нас, дали е можеби увезен како готов. Ако е произведен треба да се утврди кој го произвел од кое семе и од каде го внесол. Тоа е сигурно внесено нелегално бидејќи ако е легално внесено не може да биде ГМО. Сите тие сорти кои се легално внесени во Македонија не се генетско модифицирани сорти и се дозволени за производство и консумација, додаде д-р Андов.
Заради овој изолиран случај од 500 кг ГМО ориз не треба да прави паника меѓу луѓето, туку инспекциските слчужби треба до крај да ја испитаат работата пред да се пласира во јавноста. Ова нека биде поука, вели д-р Андов дека треба да има иследливост во истражувањето, а лесно може да се испитра дали некоја храна е ГМО или не.
Андов додава дека најмногу денеска во светот се работи на генетско модифицирани растенија од соја и пченка, а помалку или скоро и да се нема сретнато во Европа да се произведува ГМО ориз, така што оризопроизводителите и потрошувачите можат да си бидат слободни и без дилема во однос на квалитетот на нашиот ориз и сортите кои што се произведуваат во Македонија.
Т. Велкова
{fshare}
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
