Во исполнетата сала на ЦК „Бели Мугри“ синоќа кочанчани уживаа во изведбите на ансамблот за народни игри и песни „Танец“. „Изворни минијатури“ е проектот замислен како сценско-едукативен караван низ неколку градови на земјата, со кој ансамблот се враќа кон изворите, односно кон никулците од кои р’ти репертоарот на ансамблот.
Оввј концерт потсетува на најстарите слоеви од македонскиот музички и музичкиот-сценски фолклор кои беа изведени од соодветена традиционална изведувачка формација, составена од врвните играорци и музичари на македонски изворни инструменти од редот на вработените во „Танец“.
-Вечерва сме тука во Кочани, секако дека не сме за прв пат, но сме за прв пат откако салата на ЦК „Бели Мугри“ е реновирана. Многу ни е драго што сме вечерва овде и можеме да ја претставиме нашата програма “Изворни минијатури“. Се работи за ора и песни кој што потекнуваат од руралните средини на Македонија. Имаме од сите краеви на Македонија. Може да се видат машки, женски но и мешани ора. Нашиот следен концерт е во Охрид што ќе се одржи на 5 јули, а потоа сме дел од фестивалот во Долени, односно фестивалот „Пеце Атанасовски“ каде што ќе претставиме вокално-инструментална програма, истакна Габриела Јовевска, вокален исполнител во „Танец“.
Во проектот „Изворни минијатури“ опфатени се карактеристични напеви и ора од различни делови на нашата земја, кои за имаат за цел да го претстават раскошот на македонските играорни и мелопоетски дијалекти што егзистираат на наше тло, а кои низ овие седум децении се вградени во репертоарот на „Танец“.
Ансамблот достоинствено ја претставува нашата татковина низ целиот свет, за што доказ претставуваат награди и признанија. Во текот на своето над седумдецениско постоење, „Танец“ има учествувано на повеќе од 5000 концерти и фестивали, настапувајќи пред полни концертни сали во Њујорк, Сиднеј, Мелбурн и многу други градови надвор од Македонија.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
