Нов директор на КЈП „Водовод“ ќе биде Кирил Ковачев, дипломиран економист од Кочани.
Промената на раководната функција во претпријатието е направена со решение на градоначалникот Љупчо Папазов, а примопредавањето на директорската позиција официјално ќе биде извршено утре.
Околу плановите за натамошното раководење со „Водовод“ тој најави прес-конференција за јавноста, откако претходно ќе ја согледа досегашната состојба во комуналното претпријатие.
Ковачев пред неколку години беше директор на Центарот за социјални работи во Кочани, а основач е и на консултантската агенција Ковач Груп.
Во периодот од 1 декември 2021 година досега, градоначалникот Папазов направи неколку кадровски промени во „жешката“ раководна фотелја на „Водовод“, поради поднесена оставка или по истекување на в.д мандатот на директорите.
Ковачев е петтиот директор по ред во „Водовод“. По Иван Иванов, Антонијо Паунов и Перо Георгиевски, доаѓа на местото на досегашната в.д. директорка Кристина Финдачка.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
