По повод Денот на пијаното, учениците од ОМУ „Ристо Јуруков“ одржаа концерт. Настанот се реализираше во големата сала на Мултикултурниот центар, а 11 мали музичари се претставија со дела од светски познати композитори.
Директорката Марија Лазарова рече дека и понатаму училиштето ќе продолжи да ги промовира и поддржува младите пијанисти.
-Вечерва трет пат нашето училиште го слави Денот на пијаното, однсоно 88 ден посветен на 88 клавиши на пијаното. Тоа е ден кога го прославуваме пијаното како инструмент, а тоа како инструмент може да биде солистички или придружен, силен или тивок, однссно тоа е инструмент на кој се уште се изведуваат безвременти дела на познатите музичари Бах, Моцарт, Бетовен и многу други. Ова е ден кога ги славиме нашите пијанисти, учениците кои го изучуваат пијаното во нашето училиште. Вечерва ќе слушнеме дел од нив кои ќе ни се претстават со познати дела. Ќе имаме можност да слушнеме и две четирирачни изведби на пијано. Тоа се учениците кои вчера на натпреварот по камерна музика во Кавадарци освоија две први награди – Јован Цветанов и Макарија Иванова, и Јана Филипова и Ана Пејчева. На натпреварот добивме и уште една прва награда за оркестарот на традициски инструменти, истакна Марија Лазарова, директорка на кочанското основно музичко училиште.
По повод Светскиот ден на пијаното, учениците од ООМУ „Ристо Јуруков“ денеска ќе гостуваат во Штип на одбележување на Денот и ќе се претстават на концерт што го организира ДМУЦ „Сергеј Михајлов“ – Штип.
Од музичкото училиште најавија дека во следниот период учениците ќе учествуваат и на општински, регионални и државни натпревари.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
