Изминатиов викенд се одржа 32. издание на мото рели „Македонија независност 2023“. На релито имаше над 400 домашни и учесници од странство кои за три дена со моторциклите ја обиколија целата држава по претходно договорена маршрута. Мото релито почна во Скопје, а првата попатна пауза беше во Кочани, при што се реалзираше и мото дефиле низ градот.
-Мото клубот „Желки“ од Кочани веќе четврти пат организира пауза на мото релито Независност, кој што традиционално се одржува во нашата држава по повот денот на независноста, а исто така има статус на меѓународена спортска манифестација. За разлика од претходните три години, оваа година направивме поразлично, односно оваа манифестација ја организиравме во Трговскиот центар. Денес е неработен ден и има помал број на возила поради таа причина настанот го организиравме овде. Благодарност до Општина Кочани на чело со градоначалникот Папазов , СВР Штип и ОВР Кочани кои ни помогнаа сето ова да го реализираме, исткана Момчило Хаџи Паунов претседател на Мото клубот „Желки“.
-Релито се одржува по 32. пат, а ова ни е прва точка на застанување. Продолжуваме кон Берово каде имаме пауза потоа одиме Струмиица, Дојран каде што имаме вечера и забава и ова е крај за првиот ден. Вториот ден тргнуваме од Дојран во 10 часот и одиме Гевгелија, Неготино, Кавадараци каде што имаме и пауза, а потоа Битола, Галичица и последната дестинација за вториот ден е Охрид, а таму имаме завршна вечер и прогласување и доделување на наградите. Третиот ден тргаме од Охрид и одиме кон Кичево каде имаме и пауза, а потоа возиме кон Стража, Гостивар, Тетово и Скопје е последната дестицаија каде го завршуваме релито, кажа Зоран Трајковски претседател на Мото федерацијата.
За мотоциклистите релито претставува големо искуство и предизвик, на коe што одговорија успешно изминативе три дена.
-Јас во 2011 година имам дојдено од Швајцарија со мотор до Македонија. Инаку имам одено на повеќе вакви настани како во државата така и надвор од нејзините граници. Јас активно возам од 2010 година, а во годината поминувам најмалку дест илјади километри, истакна Даниел Цонев учесник во мото релито.
Моторелито „Македонија независност“ е единствен спортски настан кој се одржува во континуитет 32 години, а неговата цел е промоција на мотоциклизмот и меѓусебното дружење.
©2023 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
