– Денеска сме тука да споделиме позитивни практики, како овој механизам за соработка помеѓу локалната самоуправа и граѓанските организации може да се имплементира во општина Кочани или некој сличен модел за да се унапреди волонтерството на локално ниво и да се зголеми учеството на младите во креирање локални политики и програми поврзани со волонтерството. Соработката на МКЦ – Битола со здружението „Светла иднина“ е поради тоа што тие се едни од грантистите кои што работат на истиот проект, од истата грантова шема на УСАИД проектот за граѓанско учество, така што тоа е една позитивна практика, ние со нашите актовности ја препознавме оваа организација која е препозната на локално ниво во Кочани, која работи со волонтери, па ги поврзавме со оптшина Кочани да видиме како можеме да најдеме заеднички начин, ние со менторска поддршка да потикнеме формирање едно вакво тело тука во Кочани, рече Марија Мерковска, координатор на проектот.
Советот за волонтерство е советодавно тело на Советот на Општина Битола, поради што Локалната самоуправа ќе обезбеди финансиска поддршка за неговото работење во наредната година.
Од ЦККЕР „Светла иднина“ рекоа дека веќе се зголемува интересот за волонтирање меѓу младите од Кочани, а соработката со Младинскиот центар од Битола ќе продолжи.
– Ние сакаме да ги следиме нивните чекори како организација и да продолжиме во општина Кочани да го развиеме, на повисоко ниво да биде волонтеризмот. Нашата организација има развиено стратегија со која ќе прима свои волонтери и можам да се пофалам дека во псоледните месеци веќе имаме повеќе волонтери активисти кои што сакаат да соработуваат и да учествуват во младинскиот активизам за да биде уште поразвиен во општина Кочани, рече Мануела Саидова, претседател на ЦККЕР „Светла иднина“.
Во план е во наредниот период да се изработи стратегија за волонтеризам на младите во општина Кочани, која треба да биде усвоена од страна на Советот на Општината и да стане дел од официјалните документи на локалната заедница.
Т. Ајтовски
{fshare}
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
