Влезот на Градската депонија секојдневно по 16 часот ќе биде затворен, а ќе биде забранет влезот за сите неовластени лица. Доколку некој е забележан на локацијата ќе му биде поднесенат соодветна пријава во Одделените за внатрешни работи – Кочани.
Одлуката беше истаканата на состанокот на Локалниот совет за превенција на Општина Кочани, што се одржа во просториите на Локалната самоуправа.
В.Д. директорот на КЈП „Водовод“, Перо Георгиевски ги повика полициските службеници од Одделението за внатрешни работи – Кочани да вршат засилена акциски контроли на потегот кон депонијата.
-Во моментов десната страна од депонијата е целосно исчистена, а левата страна ќе ја средиме во најбрз можен рок. Ќе извршиме и поправака на главната капија и по 16 часот, ќе забраниме влез на сите неовластени лица, Значи, ќе биде заклучена со катанец, за неовластено да не присуствуваат лицата. Доколку затекнеме некое неовлластено лице, ќе поднесам пријава до Министерството за внатрешни работи. Сите сме сведоци дека тие луѓе се на работ на егзистенцијата и својот леб го вадат од депонијата. Значи полициските службеници треба да извршат контроли, односно да проверат дали нивните возила се регистрирани, дали имаат патен налог за пренос на стока. Во моментот на депонијата функционираат 2 – 3 семејства со подигнатаи шатори, а во текот на денот престојуваат од 30 до 40 луѓе, помеѓу нив има и малолетни лица. Имам поднесено пријава и до Центарот за социјални работи, но напоменувам дека најпотребна помош ни е од Министерството за внатрешни работи. Депонијата во моментов е ставена под контрола, значи нема веќе опасност од пожар, но тоа не значи дека лицата повторно не можат да го подментнат. Ние со сопствена работна сила го затрупуваме ѓубрето, но во иднина доколку се префрлат потребните средства ќе распишеме јавна набавка, истакна Георгиевски.
Локалниот совет побара од Министерството за животна средина да обезбеди финансиски средства за справување со проблемите со депонијата во Кочани до изградбата на Регионалната депонија кај Свети Николе и донесување посебен правилник за определување тарифа за услугите што им ги дава КЈП „Водовод“ на соседните општини, коишто го депонираат нивниот отпад на депонијата.
Меѓу другото беше побарано од КЈП „Водовод“, да ја огради и осветли депонијата со што ќе ја зголеми превенцијата и заштитата. Беше истакнато и дека е потребно да се организираат заеднички патроли кои ќе ги покриваат главните пунктови на патиштата што водат кон ридско-планинскиот регион, а во известувањето и алармирањето за состојбите на теренот да се вклучат и претседателите на месните заедници, како и невладиниот сектор.
Од КЈП “Водовод” упатија апел до граѓаните и компаниите во иднина отпадот да го одлагаат одговорно во депонијата, а не надвор, пред влезот или на самиот коловоз, бидејќи за вакви дејствија ќе бидат покренати соодветни постапки пред надлежниот комунален инспектор.
Освен по оваа точка, присутните разговараа и за заштитата од пожари на подрачјето на општина Кочани.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
