– Ние веќе инвестираме оваа година 500 илјади евра во модернизација на опремата и планираме во втората половина на годината да почнеме и со градежни активности, да изградиме уште една фабрика таму. “Дониа“ има две фабрики, стара и нова, со тоа што старата би ја затвориле, а до неа би изградиле уште еден погон за да направиме и зголемување на капацитетите и подобрување на условите за работа, какои и продуктивноста, бидејќи на извозните пазари конкуренцијата е огромна, мора да бидеме конкурентни и продуктивни, рече Глигор Цветанов, извршен директор на “Макпрогрес“ – Виница.
Асортиманот на брендот “Фантазија“ го сочинуваат полуготови миксови за колачи или солени кекси, како и додатоци за колачи и во кулинарството за подготвка на крекери, мафини и декорации на десерти.
На промоцијата на новиот бренд на “Макпрогрес“ присуствуваше и претседателот на Стопанската комора на Македонија, Бранко Азески кој честиташе на новата инвестиција што ја прави виничката компанија, потенцирајќи дека ќе се работи на освојување на нови странски пазари каде ќе се пласираат нашите производи.
– Ќе се обидеме да отвориме нови пазари на Блискиот Исток и во земјите од бившиот Советски Сојуз каде мсилиме дека треба да се насочиме, бидејќи извозот во Европската Унија достигна 70 отсто и нисе се наоѓаме во ситуација кога мораме да ги бараме излезните правци во таа насока, рече Бранко Азески, претседател на Стопанска комора на Македонија.
Во моментот производите на “Макрпогрес“ се пласираат на пазарите во над 55 држави во светот, а пред себе има поставено амбициозна цел до 2020 година за двојно да го зголеми производниот капазцвитет во однос на оној од 2014 година.
Со преземањето на фабриката “Дониа“ во Прилеп, компанијата го зголеми и бројот на вработените, односно покрај оние 640 кои се ангажирани во Виница, се приклучија 140-те работници во прилепскиот капацитет.
Т. Ајтовски
{fshare}
https://www.youtube.com/watch?v=_5g3WQk7lnI
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
