За 136 ученици од двете струки во СОУ „Љупчо Сантов“ вечерва беше означен крајот на учебната година. На прославата на матурската вечер, организирано со класните раководители, учениците влегуваа во училишната зграда каде што го одржаа последниот класен час.
Пред заминување на забавата, матурантите продефилираа во дворот на училиштето со своите класни раководители, по што се упатија на организираната прослава во ресторанот „Амор“.
Директорот, Љубомир Гацов истакна дека генерацијата на ученица 2020/24, учебната годината пред четири години ја почнале онлајн, но успешно ја завршија и по онлајн часовите.
-Во 2020 година ја почнаа, а во наредните четири години растевме, учевме и се дружевме и еве завршуваме во 2024, со тоа што овие ученици би биле успешни граѓани, а понатаму и успешни работници, а некои од нив би го продолжиле своето образование во високо образовните институции. Учениците кои сега завршуваат беа распоредени во 8 паралелки и тоа, гимназиско образование, економско-правна и трговска струка, истакна Гацов.
Поголем дел од матурантите со кои зборуваше Канал 8 Телевизија истакнаа дека средношколските денови поминати во кочанската гимназија ќе ги паметат до крајот на животот.
-Спомените ќе останат длабоко во нашето сеќавање, дел ќе го продолжиме образованието, но друг дел не, истакнаа матурантите.
Пофални зборови за генерацијата ученици 2020 /2024 упати и професорскиот кадар при СОУ „Љупчо Сантов“.
-Најпрвин им ја честитам матурата на сите ученици и вечерва да си поминат незаборавно. Исто така, им посакувам и многу успех и во понатамошното школување и нека ја одберат вистинската професија што ја посакуваат, рекоа професорите.
На матурантите на почетокот на следниот месец им претстои и Државна матура. Испитите ќе ги полагаат во утврдени термини, а доколку не успеат да положат имаат и августовска сесија што ќе се одржи на 12 и 14 август. Новина од оваа учебна година е тоа што матурата ќе ја полагаат во спортски сали или холови, односно во поголемите простории со кои располагаат училиштата.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
