ОМУ „Ристо Јуруков“ ги пречека 16 дечиња кои имаат желба и талент за музика. На настанот присуствуваа родители, баби и дедовци, а присутните ги поздрави градоначалникот Љупчо Папазов. Најголем интерес постои во деветгодишната програма, а таа се реализира паралелно со редовното основно образование, односно запишувањето во музичко училиште се врши во истиот момент кога е запишувањето и во редовните основни училишта. Додека уписот во шестгодишната програма се врши кога ученикот ќе почне четврто одделение.
-Во моментот имаме запишано 16 ученика во деветгодишна и шестгодишна програма. Во деветгодишната програма се изучуваат инструментите пијано и виолина, а во шестгодишнат програма се изучуваат инструментите флејта, гитара, хармоника и традициски инструменти. Ја користам приликата да ги повикам родителите кои сакаат да ги запишат своите дечиња во нашето училиште, можат тоа сеуште да го направат, бидејки уписот е во тек, а пред се за инструментите флејта, хармоника и народни инструменти. Доколку учениците се четвртоодделени ги повикувам да се запишат во музичкото училиште.
Најголем интерес постои за девтгодишнат програма, однсоно за настава по пијано и виолина, а веке во тие класи бројот на ученици е пополнет, истакна Марија Лазарова директорка на ОМУ „Ристо Јуруков“.
Училиштето „Ристо Јуруков“ во соработка со основните училишта од Кочани во наредниот период ќе врши презентација пред учениците со цел поголем број на дечиња да се запишат во музичкото училиште. Бројот на запишани ученици во училиштето е околу 160 ученика.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
