-Јас се натпреварував во дисциплината трчање на 400 метри и го освоив четвртото место. Многу сум задоволна од успехот, понатаму ќе се трудам да постигнам и поголеми резултати, рече Христина Тодосиева, ученичка во СОУ „Љупчо Сантов“.
Учениците се подготвуваа под менторство на професорот по спорт и спортски активности Ангелчо Колев кој што вели дека овие талентирани ученици ги открил при пријавување за учество на пролетниот крос што секоја година се одржува во Кочани и каде што се покажаа најдобри.
-Освен одржување на редовни часови ние професорите се обидуваме да ги откриеме талентираните ученици и да учествуваме со нив на натпревари. Овие две девојки се докажаа дека можат многу во атлетиката, јас сум презадоволен од резултатите што ги постигнаа на државното првенство со оглед на тоа што таму се натпреваруваа со професионалци во трачањето, но со оглед и на тоа дека после 20 години зема некој учество на атлетика од нашетот училиште , а факт е дека атлетски клуб немаме и учениците немаа соодветни подготовки, а сепак постигнаа голем резултат, рече Ангелчо Колев, професор по спорт и спортски активности во СОУ „Љупчо Сантов“.
Освен во атлетика, учениците од ова училиште постигнуваат солидни резултати и по други предмети. Ученичката Сашка Јованчевска пак, учествуваше на регионалниот натпревар по германски јазик каде што го освои второто место и се пласираше на државен.
-Со гордост можам да кажам дека на натпреварот по гермаснки јазик што се одржа во Штип го освоив второто место. И покрај силната конкуренција со учество од 150 ученици, сепак успеавме да си избореме заедно со мојата менторка професорката Магдалена Манева и го освоивме второто место. На државниот натпревар се надеваме на поголеми успеси, рече Сашка Јованчевска, ученичка во СОУ „Љупчо Сантов“.
Јованчевска се подготвуваше под менторство на професорката по германски Магдалена Манева.
-Во саботата на 5 мај учествувавме на регионалниот натпревар по германски јазик што се одржа во Штип и го освоивме високото второр место и се пласиравме на државниот натпревар што ќе се одржи на 18 мај во скопје. Голема заслуга за тоа има ученичката Сашка Јованчевска која вредно и напорно работеше и нсе надевам дека ќе послужи како пример за другите ученици, рече Магдалена Манева, професор по германски јазик во СОУ „Љупчо Сантов“.
Јованчевска сега се подготвува за државниот натпревар што ќе се одржи на 18 мај во Скопје од каде што очекува голем успех и освојување на првото место.
Т. Велкова
{fshare}
https://www.youtube.com/watch?v=dsC_amkL-Go
{backbutton}
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
