Сопственикот Рудолф Ван Еден истакна дека чест и задоволство му е што има вакви менаџери што фирмата ја водат кон брз развој, а се препознава квалитетот и посветеноста во работењето. Менаџерите Сања и Кире Ѓорѓиевски исто така му зе заблагодарија на сопственикот за досегашната дадена доверба тие да ја менаџираат фирмата.
-Ние денес одбележуваме 5 години од постоењето на нашата фирма. Пред 5 години започнавме со многу мал број на луѓе, а сега достигнавмедо 62 вработени. Горди сме на нашето постоење. Овие 5 години можеби е мала бројка, но за нас се многу значајни и сакаме да напредуваме во нашата работа и да одбележиме и 50 години постоење. Нашата фирма е холандска инвестиција чиј што сопственик е Рудолф Ван Еден од Холандија. Ние шиеме навлаки и прекривачи за маси и столови најмногу за извоз. Холанѓаните инвестираа тука бидејќи ние сме вреден и љубезен народ и ќе се трудиме да бидеме уште поуспешни, рече Сања Ѓорѓиевска, менаџер на „Нидо глобал текстиле“.
Менаџерите Ѓорѓиевски се потрудиле пет годишниот јубилеј да го одбележат на креативен и интересен начин со забава како за возрасните така и за децата со кловнови и реквизити за игра на најмалите како и лотарија со награди. Музика во живо, со ора и песни, караоке, кетеринг услуга се славаше во прекрасната природа, а вистинско изненадување беа и фолклористите од КУД „Руен“ од Кочани кои што пред присутните изведоа не само препизнатливи ора и песни од Осоговскиот крај, туку и обичај т.н погагија на кој што никој не остана рамнодушен.
На крај сопствениците и менаџерите на раководителот на КУД „Руен“, Тихомир Алексов за досегашната искрена соработка во изминативе 5 години му врачи вредносен бон од 500 евра. КУД „Руен“ средствата ќе ги искористи за патување и турнеја а со тоа и претставување на македонскиот фолкор во странство, со ветување дека ќе патуваат и ќе остварат заедничка турнеја и со менаџерите на „Нидо глобал текстите“ со цел да можат да ги претстават своите производи и на пазарите ширум светот.
Забавата за одбележување на јубилејот продолжи до доцните попладневни часови со музика, песна ора и заедничко дружење, така што т.н семеен ден претставуваше освежување за сите вработени и присутни.
Т. Велкова
{fshare}
https://www.youtube.com/watch?v=N_2LunVIcz4
{backbutton}
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
