– Програмата за домување подразбира третман или директни мерки насочени кон семејствата од социјален ризик, оние кои го немаат решено своето станбено прашање во делот на домувањето, а посебно овде се акцептираат семејствата од Старата касарна. Понатаму, втората програма е урбанистичко планирање е една од стратешките насоки и програми со кои што како општина се зафативме да работиме, а тоа значи дека во рамки на овој акциски план воочена е потребата од измени и дополнување на ДУП за градска четврт број 5. Фактички, во овој домен ќе се делува на подобрување на состојбата на ромските семејства во однос и на домувањето и во комуналната инфраструктура, бидејќи ќе се овозможи простор да се планираат и улици и канализација, но и простор каде што ќе се решава проблемот со Старата касарна, и нели, програма за комунална инфраструктура, а тоа е изградба и санација на улици, патишта, канализации и така натаму, рече Мустафа Саидов од Општина Кочани.
На последната седница на Советот на Општина Кочани, на која Локалниот акциски план се најде на разгледување, градоначалникот Илијев појасни дека документот сам по себе нема да ги реши проблемите, но ќе биде показател во кој правец треба да се насочат натамошните активности.
– Овој акционен план зошто го носиме, го носиме затоа што во разговорите што ги имав со дел од министрите во Владата најавија дека ќе ни помогнат, како и во претходниот случај, каде тие нивното ветување го исполнија, се надевам дека и овојпат ќе остамнат на ветувањето и дека ќе добиеме една позначајна поддршка и помош, се со цел да ги разрешиме проблемите. Со тие средства што ни се ветени ние нема да можеме да ги решеиме проблемите на сите Роми, на крајот ние немаме проблеми само со ромската заедница и не е фер да ги делиме, меѓутоа во овој момент збориме сза една работа штое навистина болна и всажна, и дека дел од тие средства ќе бидат наменетеи за решавање на овие проблеми, рече Николчо Илијев, градоначалник на Општина Кочани.
За реализација на Локалниот акциски план општината побарала од Владата 15 милиони денари, а покрај тоа ќе вложи и сопствени средства. Покрај Локалната самоуправа, како партнери се вклучени и пет ромски здруженија од Кочани кои се обврзуваат да помогнат во спроведувањето на преземените обврски во документот.
Т. Ајтовски
{fshare}
https://www.youtube.com/watch?v=P8G6Lmi1_yo&feature=youtu.be
{backbutton}
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
