Општина Зрновци ги продолжува градежните зафати за подобрување на сообраќајната инфраструктура, а за што инвестира 30 милиони денари, што претставува рекорден износ до сега.
Со овие средства ќе се изгради локалниот патен правец од Зрновци до месноста гробишта во Мородвис во вкупна должина од околу 2,5 километри. Исто така, ќе бидат комплетирани и асфалтирани улиците „Филе Ристов“ и „Никола Карев“ со спој на нова сервисна улица, која всушност ќе претставува обиколница на истите.
Во рамки на градежните зафати е вклучен и новиот сообраќаен пристап и паркинг простор кај детската градинката „Бисерчиња“ во Зрновци, каде остана само уште асфалтирањето на коловозот.
Градежните работи се во тек, изведувач е компанијата „Ленди груп“, а носител на активностите е Локалната самоуправа на Зрновци.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
