Општина Зрновци ја доби новонабавената комбинирана машина ровокопач-утоварувач, за која беа обезбедени над 5 милиони денари. Машината ќе се користи за подобрување на комуналната инфраструктура, за уредување на улиците и локалните патишта во полскиот и планинскиот регион, чистење на банкините и за други комунални активности што ќе овозможат значително подобрување на условите за сите граѓани на општината.
Набавката беше релизирана откако на почетокот на минатиот месец Советот на Општината даде согласнот да се спроведе тендерската постапка и да се избере добавувач на машината. За најповолна била одбрана понудата на компанијата „Синпекс“ од Битола, која по потпишувањето на договорот веќе ја реализираше испораката.
Според техничката спецификација на објавениот јавен повик, од добавувачот се бараше да обезбеди комбинирана машина ровокопач-утоварувач со моќност на моторот од 100 коњски сили и работна зафатнина од 4.000 кубни сантиметри. Таа може да крева товар од минимум три тона, а располага со две помали и една поголема корпа за товарање со зафатнина од 1,1 кубен метар.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
