Во салонот Фоаје 2 при ЦК „Бели мугри“ е отворена двонеделната изложба „Анимирани цртани ликови“ со дела на учениците од Училиштето за цртање и сликање при установата.
На изложбата учествуваа околу 30 дечиња, а се претставија со околу 70 дела. Насликани се ликови од цртани филмови што учениците ги цртале во текот на целата година, а ги изработиле во различни ликовни техники.
-Изложбата е уште еден во низата проекти, каде најмалите и најискрените ја претставуваат својата фантазија низ цртањето на анимираните ликови и на она со кое секојдневно растат и се градат. Анимираните ликови се најблиску до нив и најдобро ги прикажуваат низ нивната фантазија. Претежно се претставени ликови коишто се познати. На мое огромно задоволство како ментор овде се издвоени 70 цртежи, оргинални по идеја и создавање, како во композицијата и користењето на сите ликовни елементи, истакна Александра Димитрова, раководителка на Училиштето за цртање и сликање при НУЦК „Бели мугри“.
Малите уметници истакнаа дека сакаат да цртаат анимирани ликови бидејќи се чувствуваат како тие да го изработуваат цртаниот филм. На сите учесници во изложбата им беа доделени и благодарници.
Училиштето го посетуваат околу триесетина ученици од најразлична возраст, односно бројот варира и е различен. Целта е тие да се поттикнат што повеќе да цртаат и да создаваат лични творби.
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
