– Ние навистина започнуваме да создаваме услуги кон граѓаните затоа што системот за социјална заштита досега не се сметаше дека се однесува и на услугите. Се сметаше дека само трансферот на финансиски средства до семејството и тука завршува целиот систем. Не, вистинскиот систем на социјална заштита значи развој на социјални услуги блиски до граѓаните кои што го помагаат секојдневното живеење. Тоа го создаваме со секој чекор и покажуваме дека ако отвориме центар, утредента кога ќе дојдете вратата нема да биде зклучена како што тоа било пракса порано, туку веќе лицата се вработени, децата се запишани со решенија преку Центарот за социјална работа и тој функционира со секојдневната поддршка на овие лица и семејства кои се згрижуваат тука. Мојата посебна порака е дека овие центри не се само за да ги сместиме лицата со атипичен развој, овие центри се отворени за сите лица кои што сакаат да споделат љубов, емоции и време со овие деца. Важно е и децата од центарот да ги изнесеме во општеството и да се социјализираат, зошто само така ќе им го подигнеме достоинството и ќе го едуцираме и еманципираме нашето население, рече Мила Царовска, министерка за труд и социјална политика.
Дневниот центар во Кочани во моментот го посетуваат четири деца со попреченост, а максималниот капацитет е 20 лица и тој може да обезбедува услуги и за граѓаните од соседните општини.
– Во работата со лицата е предвидено да се работи индидвидуално и групно, но и советодавно планираме да работиме со нивните родители со цел за поефикасно извршување на оваа дејност. Она што мене позитивно ме изненади во последните денови е зголемениот интерес на професионални лица кои сакаат да волонтираат во нашиот центар бидејќи ја препознале идејата за отворање на ваков центар, па сакаат да волонтираат со цел нивното знаење да можат да го искористат овде, што од хуман аспект значи многу за нас, рече Кирил Ковачев, доректор на Центар за социјални работи – Кочани. ите проекти со кои ќе им се подобри живеењето на граѓаните, без разлика на која социјална категорија и припаѓаат.
– На овој центар се чекаше долго, од причини што сите добро ги знаеме, најпрво овој центар беше еднаш како ставен во функција, но како што гледате не функционираше толкав период и нашата одлучност да истраеме и да го ставиме во функција. На крајот, благодарение на Министерството и министерката за труд и социјална политика, еве денеска сме сведоци на отпочнувањето со работа на овој центар. Како што веќе реков, децата со посебни потреби ќе ги добијат потребните услуги и се надевам дека на задоволство на сите, ќе се сретнеме, ќе разговараме и ќе го прошируваме центарот во зависност од потребите на граѓаните на општина Кочани, рече Николчо Илијев, градоначалник на Општина Кочани.
За почеток во Дневниот центар се вработени четири стручни лица, а според министерката Царовска, нивниот број ќе се зголемува како што ќе расте бројот на лицата што ќе бидат згрижени.
Т. Ајтовски
{fshare}
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
