– Ротари интернешнл е една големо семејство кое што постои веќе 115 години со еден милион и 200 илјади членови и таа организација нас не доведе во Македонија во заеднички „Дистрикт“ со Словенија. Ние сме гости денеска на Ротари клубот Кочани – Виница кои што го овозможија овој прекрасен проект. Замислено е сите Ротари клубови да се поддржуваат и да се поврзани во „Дистрикт“ и јас како гувернер го поддржувам тој „Дистрикт“ а со тоа и сите клубови, посебно клубовите кои што се активни и кои што прават вакви првокласни проекти, рече Даниел Петровиќ, гувернер на „Дистрикт 1912“.
-Ротари во Македонија е организација која постои од 1931 година. Потоа за време на Втората светска војна и нпосле војната има една пауза во функционирањето за да првиот возобновен Ротари клуб да се основа во 1995 година и од тогаш па наваму во Македонија имаме постојан раст на движењето имаме 19 клубови и еден од тие клубови е и Ротари клубот Кочани – Виница кој што е исклучително успешен со фантастичен дух со кој се водени ротаријанците од тој клуб и кои што помагаат на заедницата а едно од тие дела е сега ова што е адаптирано, рече Игор Андреевски , претседател на Сојузот на Ротари клубовите од Р. Македонија.
– Овој проект е еден од многуте проекти на нашиот Ротари клуб Кочани – Виница кој што постои 5 години и еден од многуте проекти кои ги имаме реализирано. Идејата беше на Ротаракт клубот која што заеднички ја разгледавме и дадовме заеднички напори да ја реализираме. Проектот чини околу 100.000 денари, средства обезбедени од хуманитарни акции во организација на нашиот клуб, лични донации од членови и средства соберени од Ротаракт клубот, рече Влатко Димитровски, претседател на Ротари клуб Кочани – Виница.
-Ова катче кое што се направи со инвестиција на Ротари клубот Кочани – Виница пред се ќе им користи на учениците од нашето училиште кои што ќе можат своето слободно време да го поминуваат токму овде како за време на малите одмори, така и за време на часовите каде што заедно со своите наставници ќе можат да одржуваат часовите во природа, а сепак мда се во училиштето. Ние сме во тек на преговори со Ротари клубот за реалирање на уште еден друг проект и се надевам дека нашата соработка со клубот ќе продолжи и понатаму, рече Даниел Кралев, директор на ОУ „Св. Кирил и Методиј“.
Ротари клубот Кочани – Виница досега има реализирано голем број проекти, а со уште позасилено темпо ќе продолжи и во иднина со реализирање на зацртаните среднорочни и долгорочни проекти.
Т. Велкова
{fshare}
https://www.youtube.com/watch?v=F-zi9uHaKCA&feature=youtu.be
{backbutton}
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
