Реконструкција на дел од кровот, санитарните јазли, тендер за набавка на ограда во подрачното училиште во Горни Подлог, реновирање на постоечкиот систем за затоплување и уредување на дворните површини се само дел од работните активности со кои се подготвува училиштето „ Св. Кирил и Методиј“ од Кочани за почетокот на новата учебна година.
Проектот за реконструкција на дел од кровот го одобри Министерството за образование во вредност од 13.558.022 денари.
-Она што е најново е информацијата за реконструкција на дел од кровот во централното училиште. Тоа е еден проблем со што нашето училиште се соочува повеќе години. Во текот на следната седмица би требало да почнат и подготовките за градежните активности, а исто така во фаза на изготовка е и проект за реконструкција на спортската сала. Овој проект го води училиштето заедно со Општина Кочани и надлежната служба од Министерството за образование и наука. истакна Даниел Кралев, директор на ОУ „Св. Кирил и Методиј“.
Средствата за реконструкција на кровот се обезбедени со измените на Програмата за изградба и реконструкција на основни училишта, по апликација од страна на Општина Кочани на јавниот повик за финансирање проекти за изградба и реконструкција на училишни објекти од буџетот на МОН.
Целосната постапка за реализација на одобрениот проект ќе ја спроведе Министерството за образование и наука.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
