Во просториите на Општина Зрновци денеска беше потпишан договорот за реализација на проектот „Изградба на пречистителна станица за комунални и отпадни води во Видовиште“. Договорот го потпишаа градоначалникот Борчо Коцев и претставник на избраниот економскиот оператор, а целата финансиска конструкција изнесува 1.941.000 денари.
Со реализација на овој проект директно ќе се влијае врз заштитата на животната средина и ќе се реши сериозен проблем за локалното население.
-Овој проект е по барање на жителите на селото Видовиште и решаваме децениски проблем, односно го спречуваме понатамошното загадување на Видовишка Река како притока на Брегалница. По потпишаниот договор со избраниот економски оператор, ќе го договориме и датумот за воведување во работа следната недела, истакна Борчо Коцев, градоначлник на Општина Зрновци.
Со изградбата на новиот цевковод и каптажата за постојано водоснабдување во Видовиште, којашто е во завршна фаза, како и со потпишаниот договор за пречистителната станица, се реализираат две од трите клучни барања на жителите на ова село.
За само една година ќе се исполни третото барање, односно во септември ќе биде потпишан договор за изградба на локалниот пат од месноста Оризови гумна до локалитетот Друмот, за што ќе се инвестираат околу 5,5 милиони денари.
©2023 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
