Полициски службеници при ОВР – Кочани денеска во селата Чифлик, Облешево, Чешиново, Кучичино, Бурилчево и Уларци спроведоа превентивна активност под мотото – „Не уништувате ja природата, таа е нашиот живот“.
При спроведувањето на превентивната активност преку непосредна комуникација со жителите полициските службеници укажуваа за последиците од палењето на оган на стрништата, посевите и во нивна близина, потоа за законските одредби но и за штетата од самите пожари што долгорочно може да се одрази како врз човечкиот живот така и врз растителниот и животински свет.
Целта на оваа активност беше насочена кон подигнување на свеста пред се кај земјоделците да постапуваат совесно и одговорно минимизирајки ги ризиците од пожари.
Дополнително, во текот на активноста на жителите им беа делени и печатени летоци со информативна содржина, а изработени во соработка со ЈП „Национални Шуми“.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
