– Како претставници на бизнис заедницата редовно се среќаваме со проблеми во самата имплементација на сите одредби од Закониот за работни односи, воопшто од трудовата регулатива. Тоа постојано го наметнува барањето да се интервенира во одредени одредби од Законот за работните односи и воопшто во трудовата регулатива, со цел истата да се подобри на начин што ќе биде јасна во својата примена и ќе биде подложна за регулација и користење на сите фирми во Република Македонија, а исто така и на сите вработени, на сите треба да им биде јасна и недвосмислена, рече Александра Чавдаревска, правник на Стопанската комора за информатички и комуникациски технологии – МАСИТ.
Инфо-сесијата во Кочани, на која што се разгледуваа приоритетните прашања и проблеми за промена на Законот за работни односи, ја организираше невладината ЕПИЦЕНТАР Интернационал, која е задолжена и за имплементирање на проектот на УСАИД.
– Денеска сме на инфо-сесија од областа на работните односи, последна инфо-сесија од оваа област, имавме слични вакви информативни настани во Битола, Дебар и во Скопје, сега четвртата е во Кочани, со тоа што опфаќаме поголем дел од територијата на земјата и опфаќаме различни размислувања иод страна на сите регионални бизнис заедници во земјата. На денешната инфо-сесија во Кочани бизнис заедницата од овој регион разговара за приоритетни прашања и одредени предлози за промена на постоечкиот Закон за работни односи, со цел за поголема усогласеност на претпријатијата во врска со самата област, рече Димче Мицевски, претставник од ЕПИЦЕНТАР Интернационал.
Проектот на УСАИД – Партнерство за подобра бизнис регулатива е четиригодишен проект, во вредност од 1,9 милиони долари, а треба да ги адресира темите од областа на бизнис регулативата кои се неповолни и предизвикуваат притисок на малите и средни претпријатија.
Четириклучнипартнери во проектот се Стопанскатакомора наМакедонија, Стопанската комора за информатички и комуникациски технологии – МАСИТ, Стопанскатакоморана северозападнаМакедонија и Сојузот на Стопански Комори на Македонија.
Т. Ајтовски
{fshare}
https://www.youtube.com/watch?v=9LBxAkcI5Os
{backbutton}
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
