На последната седница Владата го продолжи времето во кое ќе важат мерките и препораките за заштита од високите температури, но исто така одлучи да воведе и забрана за движење во шума.
Мерките се однесуваат за ослободување од работни обврски на бремените жени и лицата над 60-годишна возраст. Во градинките да не се практикуваат физички активности од 11 до 17 часот, односо децата да не се изнесуваат на отворено.
Сите правни субјекти кои вршат активности на отворено, да ги запрат работите во истиот период, а ова особено се однесува на работата на градежните работници.
Владата препорачува приватниот сектор да го организира работното време за да ги заштити работниците од директна изложеност на сонце, пред сѐ избегнување престој на отворено во критичниот период од денот.
На последната работната седница Владата одлучи овие мерки да бидат со важност до 25 јули.
Исто така, Владата, на предлог на Министерството за земјоделство, шумарство и водостопанство, ги задолжи корисниците, односно лицата кои стопанисуваат со државни шуми, да прогласат забрана за движење во шумите, по добиена претходна согласност од надлежното министерство.
©2025 Текстовите и другите содржини се сопственост на Канал 8 ИПТВ.
Не е дозволено нивно целосно или делумно преземање, користење или реемитување.
