– Од двајцата гости беше јасно и гласно потенцирано дека стојат на располагање, да ни помогнат со сите нивни искуства што ги имаат стекнато на патот за користење на Европските фондови се со цел ние да не ги повториме грешките што тие ги направиле, односно на што поедноставен и побрз начин да дојдеме до средтвата што ни стојат на располагање од европските фондови, рече Николчо Илијев, градоначалник на Општина Кочани.
Заменик градоначалничката на бугарската општина Пештера и градоначалникот на Лудбрег упатија благодарност за љубезниот прием и истакнаа оти очекуваат започнатата соработка меѓу трите градови да се прошири и на економски план.
– Учеството во меѓународен проект од трите општини кои сме во моментот, односно Општина Кочани како домаќин, тоа е причината за нашата посета и со големо задоволство учествував на неа. Благодарам за вниманието, не очекувавме вакво гостопримство. Споделивме размислувања за историјата, за проблемите што стојат пред општините и за тоа што сме го стекнале како искуство од досегашните години членство во Европската Унија, рече Зехра Алиш, заменик градоначалничка на општина Пештера, Бугарија.
– Дојдовме до заклучок дека оваа соработка на проектот, всушност би можела да прерасне и во стопанска соработка. Иако ние сме град кој во Република Хрватска е познат како град кој извлекол најмногу европски пари по глава на жител, град кој е центар на светот и кој е центар за производство на цвеќе во Хрватска, мислам дека токму тоа цвеќе е еден начин на кој нашите градови би можеле дополнително да се поврзат, да се збратимат и да ја унапредат добрата соработка што ја започнавме со овој проект, со нашите млади, со учениците во училиштата, рече Дубравко Билиќ, градоначалник на Лудбрег, Хрватска.
Инаку проектот за климатските проемни, во кој како партнери од македонска страна се вклучени и КЈП “Водовод“ и ОУ “Крсте Петков Мисирков“ од Оризари, ќе се реализира во период од 24 месеци со вкупен буџет од 135 илјади евра.
Т. Ајтовски
{fshare}
https://www.youtube.com/watch?v=xPR6K_YHNsc
{backbutton}
© 2024 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
